Bota

Rasti në Kinë/ Shënohet vdekja e parë nga gripi i shpendëve, gruaja 56-vjeçare humb jetën

Virusi H3N8 u shfaq fillimisht në Amerikën e Veriut dhe deri më tani shkencëtarët mendonin se mund të transmetohej te kuajt, qentë dhe fokat e elefantëve.

11 Prill 2023, 20:57 Nga k.m.
Rasti në Kinë/ Shënohet vdekja e parë nga gripi i
Foto ilustruese

PEKIN- Një grua ka vdekur në Kinë nga gripi i shpendëve H3N8, një virus që qarkullon që nga viti 2002, por nuk ka shkaktuar ende asnjë vdekje njerëzore. Vdekja është konfirmuar edhe nga Organizata Botërore e Shëndetësisë.

Virusi H3N8 u shfaq fillimisht në Amerikën e Veriut dhe deri më tani shkencëtarët mendonin se mund të transmetohej te kuajt, qentë dhe fokat e elefantëve. Por nuk ishte zbuluar te njerëzit deri në pranverën e kaluar, kur dy raste jo-fatale u raportuan në Kinë në prill dhe maj.

Gruaja që vdiq ishte një grua 56-vjeçare nga provinca Guangdong në Kinën juglindore. Ajo u sëmur më 22 shkurt dhe u shtrua në spital me pneumoni të rëndë më 3 mars. Sipas OBSH-së, vdiq më 16 mars.

“Pacientja kishte disa sëmundje dhe ishte ekspozuar ndaj shpendëve të gjalla përpara se të sëmurej,”- tha OBSH në deklaratën e saj. Gruaja mund të jetë infektuar kur ka rënë në kontakt me zogj të gjallë në një treg, por burimi i saktë i infeksionit ende nuk është përcaktuar. 

kine h3n8

Sondazh

Poll

MË SHUMË