Aktualitet

Vdekja e 47-vjeçarit spanjoll, kryeplaku i fshatit: Nuk i kemi parë në fshat, kanë 1 vit që punojnë këtu

Lidhur me ngjarjen ka folur për mediat kryeplaku i fshatit Karavasta, Aristir Prifti, i cili bëri me dije se shtatasi spanjolli ishte i punësuar me kontratë të rregullt nga një firmë spanjolle që prodhonte luleshtrydhe, speca dhe domate në Karavasta. 

22 Mars 2023, 11:44 Nga k.m.
Vdekja e 47-vjeçarit spanjoll, kryeplaku i fshatit: Nuk i kemi parë
Aristir Prifti

DIVJAKË- Mbrëmjen e djeshme në Karavasta të Divjakës, një 47-vjeçar spanjoll Francisko Cervilla u gjet pa shenja jete në hotel, duke sjellë nisjen e hetimeve të menjëhershme nga Prokuroria e Lushnjes. Lidhur me ngjarjen ka folur për mediat kryeplaku i fshatit Karavasta, Aristir Prifti, i cili bëri me dije se shtatasi spanjolli ishte i punësuar me kontratë të rregullt nga një firmë spanjolle që prodhonte luleshtrydhe, speca dhe domate në Karavasta. 

“Aty janë ngritur sera moderne për prodhimin e luleshtrydheve, specave, domateve. Ka qenë një grup i mirë me spanjollë, të cilët kanë pasur edhe punëtorë rumunë, por u larguan. Ndërtimi i serave vazhdon, këta dy ishin të punësuar të dy nga firma spanjolle. Nuk i kemi parë në fshat. Ata tani plotësojnë vitin që kanë filluar punë. Janë ngritur rreth 40 hektarë sera, kanë punuar në mënyrë të shkëlqyer. Asnjë nuk e dëshiron një ngjarje të tillë,”-u shpreh kryeplaku i fshatit Karavasta, Aristir Prifti.

Deri më tani dyshohet për vetëvrasje, por disa shenja në fytin e të ndjerin kanë bërë që Prokuroria të nisë hetimet në mënyrë që të shuhet çdo dyshim i mundshëm. 

aristir prifti francisko cervilla

Sondazh

Poll

MË SHUMË