Bota

Historia/ Shqiptari nga Kosova grabit pikturat e Pikasos në Zvicër: I shita 150 euro në pazarin e plaçkave

Dy persona kishin hyrë në një vilë dhe po kërkonin sende me vlerë. Por grabitja nuk shkoi siç ishte planifikuar pasi pronari i shtëpisë u kthye në banesë.

15 Mars 2023, 11:55 Nga I.A
Historia/ Shqiptari nga Kosova grabit pikturat e Pikasos në Zvicër: I
Foto ilustruese

ZVICËR- Në tetor 2020, pati ndodhur një vjedhje në Weinfelden në Thurgau. Dy persona kishin hyrë në një vilë dhe po kërkonin sende me vlerë. Por grabitja nuk shkoi siç ishte planifikuar pasi pronari i shtëpisë u kthye në banesë.

Ata pastaj ata kanë vepruar me shpejtësi dhe e kanë kapur 80-vjeçarin. Njëri prej të dyve ka kërcënuar pronarin nëse nuk do të tregonte se ku i ruante pikturat e Pikasos, ai do t’i priste veshin. Pasi gjetën atë që kërkonin, të dy u larguan nga shtëpia, duke e lënë pronarin të lidhur. Grabitësit vodhën sende me vlerë prej 75,000 franga.

Njëri nga të dy, me shtetësi të dyfishtë shqiptar nga Kosova dhe serbe, tani ndodhet para Gjykatës së Qarkut Weinfelden. Ai qe arrestuar në një tjetër vjedhje në dhjetor të vitit 2021. Një gjurmë e ADN-së kishte vërtetuar përfshirjen e tij në vjedhjen e pikturave të Pikasos.

I pyetur për vendndodhjen e pikturave, 37-vjeçari tha: Ishin falsifikime, i shita 150 euro në pazarin e plaçkave.

Por gjykata nuk është bindur nga deklaratat e tij. Kështu, ai u dënua me katër vjet e gjysmë burg. 

vjedhje ne zvicer pikaso

Sondazh

Poll

MË SHUMË