Aktualitet

U kapën duke transportuar 4 klandestinë, dy të arrestuar në Pogradec

Ata iu kishin premtuar kalimin drejt vendeve të BE.

7 Mars 2023, 14:14 Nga f.g
U kapën duke transportuar 4 klandestinë, dy të arrestuar në
Foto ne Pogradec

KORCE- Dy të arrestuar nga policia e Pogradecit, pasi u kapën duke transportuar në një makinë Ford 4 persona të huaj. Të arrestuarit janë S.H., nga Pogradeci dhe K.Sh., nga Tirana. Ata iu kishin premtuar kalimin drejt vendeve të BE.

NJOFTIMI I PLOTE I POLICISE: 

Pogradec
Finalizohet operacioni policor i koduar "Unaza", për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit.
U kapën duke transportuar, kundrejt fitimit, 4 shtetas të huaj, me qëllim kalimin e paligjshëm të kufirit, vihen në pranga 2 shtetas.
Shërbimet e Komisariatit të Policisë Pogradec, në bashkëpunim me shërbimet e Sektorit të Policisë Rrugore të DVP Korçë, organizuan dhe finalizuan operacionin policor të koduar "Unaza”, si rezultat i të cilit u godit një tjetër rast i veprimtarisë kriminale në fushën e dhënies ndihmë, kundrejt fitimit, shtetasve të huaj, për kalim të paligjshëm të kufirit.
Si rezultat i këtij operacioni u arrestuan në flagrancë shtetasit:
-S. H., 41 vjeç, banues në Pogradec dhe K. Sh., 46 vjeç, banues në Tiranë.
Këta shtetas janë kapur nga shërbimet e Policisë Rrugore, në lagjen nr. 1, Pogradec, duke transportuar, kundrejt fitimit, me automjetin tip "Ford", në drejtim të Tiranës, 4 shtetas të huaj, të cilëve iu kishin premtuar kalimin drejt vendeve të BE-së.
Materialet i kaluan Prokurorisë pranë Gjykatës së Rrethit Gjyqësor Pogradec, për veprime të mëtejshme./Dosja.al

operacioni unaza klandestine ne pogradec

Sondazh

Poll

MË SHUMË