Aktualitet

"Unë nuk kam fat por shpëtova"/ Aksidenti masiv në Tiranë, qytetarët: Ishte tragjedi, shyqyr që shpëtuan njerëzit

Qytetarët kanë dhënë mendimet e tyre pas aksidentit që ndodhi një ditë më parë.

28 Shkurt 2023, 13:44 Nga A.B
"Unë nuk kam fat por shpëtova"/ Aksidenti masiv në
Qytetaret

TIRANË- Pasiguria tek qytetarët që përdorin transportin publik është shtuar edhe më shumë pas aksidentit masiv që ndodhi një ditë më parë pranë "Urës së Shallvareve" në kryeqytet. Qytetarët janë shprehur për mediat se ajo që ndodhi mund të kishte pasur pasoja katastrofale. Një prej tyre, ishte pranë stacionit të urbanit, në momentin e përplasjes. Gruaja tregoi për gazetarët se zakonisht nuk ka shumë fat, por dje mundi të shpëtojë pa lëndime. 

"Nuk isha në autobus, doja të hyja por kaloi. Unë thashë isha me fat se nuk kam fat naj her, po dje kisha fat se shpëtova. Iku pa u ndaluar në stacion. Kur e pashë ishte një tragjedi thashë. Unë mbarova punën, zbrita këtu dhe doja të zbrisja te 21 dhjetori se kisha punë. Shyqyr që kanë shpëtuar njerëzit, se do ishte katastrofë. Vonesa kanë shumë autobusat."

Ndërsa një qytetare tjetër, thotë se duhen parë të gjitha pikat kur ndodh një aksident, jo vetëm drejtuesi i mjetit.

"Për të nxjerrë pasojat e një aksidenti duhen parë disa pika të rëndësishme. E atij që drejton mjetin, faktorëve të tjerë që ishin pjesë. Të gjitha këto pika lihen në dorën e dytë kur ka dëme njerëzore."

I vetmi person i arrestuar pas aksidentit, është 63-vjeçari Agron Xhafa, i cili drejtonte urbanin që u përplas me të paktën gjashtë makina. 63-vjeçari është shprehur se në momentin e aksidentit nuk është ndjerë mirë pasi vuan nga zemra e diabeti. Në pyetje po merren 40 pasagjerët që ndodheshin në autobus në momentin e përplasjes. Nga aksidenti i djeshëm u plagosën nëntë persona./Dosja.al

aksidenti masiv te tajvani

Sondazh

Poll