Aktualitet

Gjyqi për inceneratorin e Fierit, shtyhet seanca për në datën 1 mars, Koka dhe Bllako kërkojnë gjykim të shkurtuar

18 nga 20 të pandehurit e dosjes se inceneratorit të Fierit i kërkuan Gjykatës së Posaçme gjykim të shkurtuar.

22 Shkurt 2023, 23:46 Nga F.M
Gjyqi për inceneratorin e Fierit, shtyhet seanca për në
SPAK

TIRANË- Gjyqi për inceneratorin e Fierit është shtyrë për në datën 1 mars. Vendimi është marrë në mënyrë që prokurori i çështjes të paraqesë me shkrim qëndrimin e tij në lidhje me kërkesat proceduriale të mbrojtjes.

18 nga 20 të pandehurit e dosjes se inceneratorit të Fierit i kërkuan Gjykatës së Posaçme gjykim të shkurtuar. Dy të pandehurit e tjerë, Etleva Kondi dhe shtetasi italian Giuseppe Ciaffaglione, kërkuan të gjykohen me proces të zakonshëm. Mes të pandehurve që kërkojnë të përfitojnë nga ulja e dënimit në rast të shpalljes fajtorë janë edhe ish-ministri Lefter Koka dhe ish-deputeti Alqi Bllako. Të gjithë kanë mohuar akuzat, por më 1 mars gjykata do të shpallë edhe vendimin, nëse do e kalojë çështjen në gjykim ose jo.

Në total, të pandehur për këtë dosje janë: 1- Lefter Koka; 2-Alqi Bllako; 3-Mirel Mërtiri; 4-Klodian Zoto; 5-Stela Gugallja; 6-Pëllumb Abeshi; 7-Etleva Kondi; 8-Jonida Zeqo; 9-Bardhyl Çabiri dhe 10-Serafin Papa.
Për 10 administratorë të kompanive që kryen punimet në inceneratorin e Fierit gjithashtu u kërkua marrja si të pandehur për përfshirje në një skemë për lëshimin e faturave fiktive për punë që nuk u kryen asnjëherë në incenerator. Këto fatura me vlerë 4 milionë Euro, u miratuan nga përgjegjësi i punimeve Albert Dervishaj që është gjithashtu pas hekurave dhe akuzohet për “shpërdorim detyre”.

inceneratori i fierit alqi bllako lefter koka

Sondazh

Poll

MË SHUMË