Bota

Alexei Navalny: Humbja ushtarake e Rusisë në Ukrainë është e pashmangshme

Po ashtu Navalny ka theksuar se qeveria ruse po shkatërron të ardhmen e qytetarëve rusë me duart e veta.

20 Shkurt 2023, 15:34 Nga I.A
Alexei Navalny: Humbja ushtarake e Rusisë në Ukrainë
Alexei Navalny

RUSI- Disidenti rus Alexei Navalny, i cili është burgosur për më shumë se dy vjet, tha se një disfatë ushtarake e Kremlinit është "e pashmangshme" në Ukrainë, pasi ditët e ardhshme shënojnë një vit nga ofensiva masive e ushtrisë ruse kundër Kievit. 

"Një disfatë vendimtare ushtarake në Ukrainë mund të vonohet përsëri me koston e qindra mijëra jetëve të ushtarakëve, por në fund të fundit është e pashmangshme," tha Navalny në një mesazh të lëshuar sot nga ekipi i tij në mediat sociale. 

Po ashtu Navalny ka theksuar se qeveria ruse po shkatërron të ardhmen e qytetarëve rusë me duart e veta.

“Qeveria ruse po shkatërron të ardhmen tonë me duart e veta vetëm për ta bërë vendin tonë të duket më i madh në hartë. Por Rusia tashmë është mjaft e madhe. Qëllimi ynë duhet të jetë ruajtja e popullit tonë dhe zhvillimi i asaj që kemi me bollëk”, tha Navalny.

alexei navalny lufta ukraine-rusi

Sondazh

Poll