Bota

Zelenskyy pritet me duartrokitje në parlamentin britanik, fjalimi: Fitorja do të ndryshojë botën!

Ai vlerëson sanksionet e Mbretërisë së Bashkuar kundër Rusisë, por thotë se ato duhet të vazhdojnë derisa Kremlini të mos mund të financojë më luftën e tij kundër Ukrainës krejtësisht.

8 Shkurt 2023, 14:52 Nga a.l
Zelenskyy pritet me duartrokitje në parlamentin britanik, fjalimi: Fitorja
Volodymyr Zelenskyy

BRITANI- Presidenti Zelenskyy ka mbërritur sot në Britaninë e Madhe në vizitën e tij të parë që nga pushtimi rus i Ukrainës vitin e kaluar. Kjo pason vizitën e tij në SHBA në dhjetor. Udhëheqësi ukrainas u prit me duartrokitje që vazhduan për disa minuta teksa qëndronte në podiumin e parlamentit britanik. Zelenskyy e nisi fjalimin e tij me optimizëm dhe shpresën për të fituar ndaj agresionit rus. Duke falenderuar britanikët për mbështetjen, ai tha se ukrainasit dhe britanikët mbrojtën lirinë gjatë Luftës së Dytë Botërore.

"Liria do të fitojë, ne e dimë se Rusia do të humbasë. Mbretëria e Bashkuar po marshon me ne drejt fitores më të rëndësishme të jetës sonë. Ndihma e Mbretërisë së Bashkuar ishte parandaluese dhe ne duhet t'i çojmë këto parime tek ata që kërcënohen nga agresioni dhe sanksionet parandaluese. Pasi të fitojmë së bashku, çdo agresor do ta dijë se çfarë e pret nëse sulmon rendin ndërkombëtar. Fitorja do të ndryshojë botën dhe ky është një ndryshim që botës i duhet prej kohësh", tha ai mes duartrokitjesh. 

Zelensky u bën thirrje deputetëve dhe botës për avionë luftarakë për Ukrainën.

"Aeroplan luftarak për Ukrainën. Krahë për liri”, tha ai. 

Edhe pse aleatët perëndimorë kanë shtuar furnizimet me armë të rënda, raketa me rreze të gjatë dhe tanke për Ukrainën në muajt e fundit, ata deri më tani kanë refuzuar të ofrojnë avionë luftarakë modernë. Zelensky thekson rëndësinë e mbajtjes së një rendi botëror të bazuar në rregulla,  të drejtat e njeriut dhe drejtësia.

“Kushdo që investon në terror duhet të mbajë përgjegjësi dhe kushdo që investon në dhunë duhet të kompensojë ata që kanë vuajtur prej tij”.

Udhëheqësi ukrainas thotë se propozimet e vendit të tij për krijimin e një gjykate speciale dhe kompensim special për viktimat e agresionit rus bazohen në këto parime. Ai vlerëson sanksionet e Mbretërisë së Bashkuar kundër Rusisë, por thotë se ato duhet të vazhdojnë derisa Kremlini të mos mund të financojë më luftën e tij kundër Ukrainës krejtësisht.

"Ky do të jetë realiteti i ri i botës së lirë," shton ai.

Zelensky shton se ndihma e Mbretërisë së Bashkuar ishte parandaluese. 

zelenskyy vizite ne britani

Sondazh

Poll

MË SHUMË