Bota

Erdogan: Vendet perëndimore do ta paguajnë për mbylljen e konsullatës së tyre

Ankaraja thirri ambasadorët e nëntë vendeve të enjten e kaluar për të shprehur pakënaqësinë e saj për mbylljen e përkohshme të konsullatave.

5 Shkurt 2023, 21:35 Nga I.A
Erdogan: Vendet perëndimore do ta paguajnë për mbylljen e
Rexhep Tajip Erdogan

TURQI- Presidenti turk Rexhep Tajip Erdogan tha sot se misionet diplomatike perëndimore "do të paguajnë" për paralajmërimet që lëshuan dhe mbylljen e përkohshme të konsullatave të tyre në Stamboll javën e kaluar, pasi policia turke, pas arrestimit të 15 xhihadistëve të dyshuar, siguroi se nuk ka asnjë kërcënim serioz për të huajt në vend.

Ankaraja thirri ambasadorët e nëntë vendeve të enjten e kaluar për të shprehur pakënaqësinë e saj për mbylljen e përkohshme të konsullatave. Zyrtarët turq thanë të nesërmen se ato vende perëndimore, ku përfshiheshin SHBA dhe Gjermania, nuk kishin ndarë informacionin që kishin për të mbështetur pretendimet e tyre për një kërcënim të sigurisë.

“Ditën tjetër, Ministria e Jashtme i thirri të gjithë dhe u dha ultimatumin e nevojshëm, u tha ‘Do ta paguani shtrenjtë nëse vazhdoni kështu’”, tha Erdogan në një takim të filmuar me të rinjtë që u shfaq sot.

Përveç mbylljes së konsullatave, shumë vende perëndimore paralajmëruan qytetarët e tyre për rrezikun e sulmeve ndaj misioneve diplomatike dhe objekteve jomuslimane të kultit në Turqi, pas një sërë protestash në Evropë, në të cilat protestuesit e ekstremit të djathtë dogjën Kuranin.

Turqia pezulloi negociatat për anëtarësimin e Suedisë në NATO muajin e kaluar pas një demonstrate të tillë në Stokholm. Erdogan tha se vendet perëndimore po përpiqen të "blejnë kohë" dhe se "vendimet e nevojshme" do të merren në mbledhjen e nesërme të kabinetit, pa elaboruar më tej.

rexhep tajip erdogan

Sondazh

Poll

MË SHUMË