Aktualitet

Invalidët e Elbasanit në ditën e dytë të grevës: Do qëndrojmë deri në vdekje, po s’gjetëm zgjidhje do kërkojmë strehim politik në BE

Ata janë shprehur se nuk do të tërhiqen nga greva deri në plotësim të kërkesave të tyre.

25 Dhjetor 2022, 19:39 Nga F.M
Invalidët e Elbasanit në ditën e dytë të grevës:
Invalidi në grevë

ELBASAN- Invalidët e Elbasanit janë futur në ditën e dytë të grevës, për shkak të heqjes së paketës financiare, që merrnin për shërbimet higjeno-santiare. Nga pesë tetra dhe paraplegjikë, që nisën grevën një ditë më parë, atë po e vijojnë vetëm dy persona. Invalidët e mbetur në grevë, me lot në sy janë shprehur se shëndeti i tyre është përkeqësuar, ndërsa gjatë orëve të grevës nuk kanë pasur kujdes shëndetësor.

Në një prononcim për Syri TV, ata janë shprehur se nuk do të tërhiqen nga greva deri në plotësim të kërkesave të tyre.

Protestuesi 1: Dua e pakta 230 mijë lekë në muaj, me fakt, 60 i dua për ilaçe, i bie 280. Po ku do ha unë, po ujë e drita, urdhëro o zotëri, unë jam me kredi, nuk jam si ata hajdutët.

Protestuesi 2:Të vënë dorë se jam vetë i katërt, nuk ia dal dot, jam me dy fëmijë të vegjël. Nuk mundem dot. S’ka ardh askush të kontaktojë me ne, vetëm familja kështu që vjen e na shikon.

Protestuesi 1: Do ta mbaj deri në vdekje, po nuk gjeta zgjidhje, do kërkoj strehim politik në një vend të Bashkimit Evropian.

Invalidët u rikthyen në grevë një ditë më parë, pasi qeveria dhe minsitria e shëndetësisë nuk përmbushi kërkesat e tyre, për të rikthyer pagesën higjeno-sanitare.

greva e invalideve

Sondazh

Poll

MË SHUMË