Aktualitet

Vendimi i Gjykatës Kushtetuese për votën e emigrantëve, Rrjeti Panshqiptar i Diasporës: E përshëndesim

Silvana Begaj me anë të një postimi në Facebook, shkruan se i kërkojnë Komisionit të Reformës Zgjedhore që të zbatojnë vendimin e Gjykatës Kushtetuese në Kodin e ri zgjedhor. 

10 Dhjetor 2022, 17:13 Nga I.A
Vendimi i Gjykatës Kushtetuese për votën e emigrantëve,
Silvana Begaj

SUEDI- Rrjeti Panshqiptar i Diasporës ka përshendetur vendimin e Gjykatës Kushtetuese për votën e emigranëve. Silvana Begaj me anë të një postimi në Facebook, shkruan se i kërkojnë Komisionit të Reformës Zgjedhore që të zbatojnë vendimin e Gjykatës Kushtetuese në Kodin e ri zgjedhor. 

Postimi i Plotë:

Rrjeti Panshqiptar i Diasporës përshëndet vendimin e Gjykatës Kushtetuese për votën e diasporës që kanë të drejtë të zgjedhin dhe të zgjidhen. Ne i kërkojmë në mënyrë të vecantë Komisionit të Reformës Zgjedhore në Parlamentin e Shqipërisë, deputetëve pjesëmarrës nga të dyja palët, që në mënyrë konsensuale të përshtasin e zbatojnë këtë vendim të Gjykatës Kushtetuese në reformën e Kodin e ri zgjedhor që pritet të miratohet nga parlamenti shqiptarë. E drejta e votës së emigrantëve shqiptarë në Diasporë është një e drejtë e shenjtë. Këtë askush nuk mund të na e mohojë. Rrjeti Panshqiptar i Diasporës do ta ndjekë me prioritet të vecantë këtë proces deri në garantimin e plotë të së drejtës së votës për shqiptarët jashtë Shqipërisë.

Dje, Gjykata Gjykata Kushtetuese kërkoi që brenda një viti të plotësohet kuadri ligjor, përmes së cilit të sigurohet vota e emigrantëve, votë që sipas tyre u shkel në zgjedhjet e 25 prillit 2021. Gjykata Kushtetuese ka pranuar pjesërisht kërkesën e shoqatës 'Diaspora për Shqipërinë e Lirë' dhe i ka kërkuar Kuvendi të plotësojë boshllëkun ligjor brenda një viti nga hyrja në fuqi e këtij vendimi.

silvana begaj gjykata kushtetuese

Sondazh

Poll

MË SHUMË