Bota

U detyrohet miliona 50 kreditorëve, ish-shefi i FTX Bankman-Fried thyen heshtrjen: Nuk po mashtroja

Bankman-Fried tha se avokatët e tij e kishin këshilluar të mos fliste publikisht, por ai kishte injoruar këshillat e tyre. Ai mohoi të kishte lëvizur vetë ndonjë para nga FTX - duke thënë se tani nuk ka "asgjë".

1 Dhjetor 2022, 07:10 Nga A.B
U detyrohet miliona 50 kreditorëve, ish-shefi i FTX Bankman-Fried thyen
Sam Bankman-Fried

SHBA- Sam Bankman-Fried, ish-drejtori ekzekutiv i shkëmbimit të kriptove FTX, ka mohuar kryerjen e mashtrimit. Njeriu që dikur u përshëndet si një figurë legjendare në industrinë e kriptomonedhave, i tha New York Times se kishte pasur një "muaj të keq" dhe nuk kishte pothuajse asnjë para.

Shkëmbimi global i kriptove, që në një moment vlerësohej në 32 miliardë dollarë (26.5 miliardë £), u rrëzua në fillim të këtij muaji. Shumë investitorë nuk kanë mundur të tërheqin fondet e tyre nga platforma që është e falimentuar.

Bankman-Fried tha se avokatët e tij e kishin këshilluar të mos fliste publikisht, por ai kishte injoruar këshillat e tyre. Ai mohoi të kishte lëvizur vetë ndonjë para nga FTX - duke thënë se tani nuk ka "asgjë".

Duke folur nga Bahamas, ai tha se i kishte mbetur një kartë krediti e cila kishte rreth 100,000 dollarë në të. Në intervistë ai tha se nuk i kishte mashtruar qëllimisht investitorët.

"Unë kurrë nuk u përpoqa të bëj mashtrim," tha ai, raporton BBC.

U detyrohet miliona 50 kreditorëve, ish-shefi i FTX Bankman-Fried thyen

FTX shpalli falimentimin e më pas Bankman-Fried dha dorëheqjen si CEO më ​​11 nëntor. Sipas një dosjeje gjyqësore në fillim të këtij muaji, FTX u detyrohet 50 kreditorëve të saj më të mëdhenj pothuajse 3.1 miliardë dollarë. Deri në fund të tetorit, Bankman-Fried kishte një vlerë neto të vlerësuar në më shumë se 15 miliardë dollarë.

Ylli i kriptove ishte bërë i njohur në Uashington DC si një donator politik që supozohej se mbështeste parandalimin e pandemisë.

Por në bisedën e tij me reporterin e The New York Times, Andrew Ross Sorkin, Bankman-Fried pranoi se shumica e punës së tij në Uashington DC kishte qenë PR "duke u maskuar si bamirësi".

Fried tha për momentin se nuk ishte i shqetësuar për përgjegjësinë e mundshme penale ose civile.

sam bankman-fried

Sondazh

Poll

MË SHUMË