Bota

Masakra në Parkland/ Shmanget dënimi me vdekje, juria rekomandon burgim të përjetshëm për autorin

Gjyqtarja e qarkut Broward, Elizabeth Scherer caktoi datën e dënimit më 1 nëntor. Seanca do të fillojë në orën 09:00 dhe në sallë do të flasin familjarë e dëshmitarë. 

13 Tetor 2022, 18:14 Nga A.B
Masakra në Parkland/ Shmanget dënimi me vdekje, juria rekomandon
Nicolas Cruz

SHBA- Juria në Florida ka rekomanduar dënimin me burgim të përjetshëm për sulmuesin e shkollës, Nikolas Cruz, i cili kreu masakrën në Parkland të vitit 2018, ku mbetën të vdekur 17 persona.

Studenti i përjashtuar ishte në atë kohë 18 vjeç kur përdori një pushkë për të vrarë 14 studentë dhe tre anëtarë të stafit, në një nga të shtënat më të këqija në shkollë në Amerikë. Pas tre muajsh dëshmi dhe argumente të avokatëve, 12 juristëve iu deshën më pak se 24 orë për të marrë një vendim.

Gjyqtarja e qarkut Broward, Elizabeth Scherer caktoi datën e dënimit më 1 nëntor. Seanca do të fillojë në orën 09:00 dhe në sallë do të flasin familjarë e dëshmitarë. 

Prokurorët i kishin kërkuar jurisë që të dënonte me vdekje personin e armatosur, tani 24 vjeç, duke argumentuar pjesërisht se krimi i tij ishte mizor. Por pa rekomandimin unanim të jurisë të kërkuar sipas ligjit të Floridës, dënimi i Cruz është i përjetshëm, për të cilin avokatët mbrojtës pretenduan se Cruz vuajti gjatë gjithë jetës së tij nga çrregullime mendore dhe vonesa në zhvillim. 

Burimi: Skynews

sulmi ne florida nikolas cruz

Sondazh

Poll

MË SHUMË