Bota

Ambasadorja serbe në Këshillin e Evropës: E heqëm nga agjenda kërkesën e Kosovës për pranim në KE

Por, siç thonë ata, procedurat janë të tilla dhe për këtë nuk do të dihet deri në momentin e fundit nëse do të diskutohet sot. Në fillim të seancës caktohet edhe një herë rendi i ditës. 

5 Tetor 2022, 10:32 Nga I.A
Ambasadorja serbe në Këshillin e Evropës: E heqëm nga
Foto Ilustruese

FRANCË- Serbia po pretendon se ka arritur t’i bind shtetet anëtare të Këshillit të Evropës, që kërkesa e Kosovës për t’u anëtarësuar në këtë organizatë të mos jetë në agjendën e takimit të sotëm të Komitetit të Ministrave në nivel deputetësh në Strasburg.

Edhe pse Kryetari i Komitetit kishte planifikuar ta fuste atë pikë në rendin e ditës, misioni serb në Strasburg i tha RTS se Beogradi arriti ta parandalojë atë përmes përpjekjeve intensive diplomatike. Por, siç thonë ata, procedurat janë të tilla dhe për këtë nuk do të dihet deri në momentin e fundit nëse do të diskutohet sot. Në fillim të seancës caktohet edhe një herë rendi i ditës. Dhe më pas, shtetet anëtare mund të kërkojnë që në diskutim të përfshihet edhe kërkesa e Prishtinës për anëtarësim të plotë në Këshillin e Evropës.

“Për momentin, kemi hasur në mirëkuptimin e shumicës së vendeve anëtare se kjo nuk duhet të jetë në rendin e ditës”, tha ambasadorja në Misionin e Serbisë në Këshillin e Evropës, Aleksandra Gjuroviç.

Nëse Komiteti i Ministrave, i cili përbëhet nga krerët e diplomacisë së 46 shteteve anëtare, pranon që kërkesa e Prishtinës të diskutohet, vendimi përfundimtar do t'i kthehet sërish Komitetit të Ministrave. Në të dyja rastet, kërkohet një shumicë prej dy të tretash. Procedura e pranimit mund të zgjasë deri në një vit, ndonjëherë edhe më shumë. 

“Edhe pse këtu ka një numër të madh të shteteve që fatkeqësisht e kanë njohur pavarësinë e të ashtuquajturës Kosovë, ata janë gjithashtu të vetëdijshëm se nisja e procedurës për anëtarësimin e një entiteti të panjohur, i cili nuk mund të konsiderohet shtet evropian. nuk plotësojnë nenin 4 të Statutit të KE-së, në fakt shqyrtimi i një kërkese të tillë do të hapte kutinë e Pandorës për disa situata të ardhshme që mund të lindin”, thotë Gjuroviç.

Shtrohet pyetja nëse procedura mund të përshpejtohet për shkak të luftës në Ukrainë. Pa parashikime, deputetët janë të lirë të votojnë dhe pikëpamjet e tyre nuk duhet të përputhen me pikëpamjet e qeverive të tyre, por me pikëpamjet e partive nga vijnë.

Edhe pse në Prishtinë dy zyrat e zëvendëskryeministrave merren me politikën e jashtme, Albin Kurti themeloi edhe një komision që merret ekskluzivisht me çështjen e anëtarësimit të Kosovës në organizatat ndërkombëtare. Këshilli i Evropës tashmë ka një zyrë në Prishtinë, por gjithashtu Kosova është anëtare e disa organeve të organizatës ndërkombëtare që merret me mbrojtjen e të drejtave të njeriut dhe demokracisë.

keshilli i evropes aleksandra gjuroviç

Sondazh

Poll

MË SHUMË