Bota

Përshkallëzohet situata, ushtria iraniane kërcënon të dalë në rrugë për të shuar protestat pas vdekjes së 22-vjeçares

Qëllimi i ndërhyrjes, sipas ushtrisë iraniane, do të jetë për t'iu kundërvënë planeve të bëra nga armiqtë për të garantuar sigurinë e të gjithë atyre që sulmohen padrejtësisht.

23 Shtator 2022, 12:56 Nga d.a.
Përshkallëzohet situata, ushtria iraniane kërcënon të
Protesta ne iran

IRAN- Të gatshme për të dalë në rrugët e Iranit për të "përballur armiqtë" dhe për të garantuar sigurinë, thonë forcat e armatosura të vendit në një lëvizje të përshkruar si paralajmërimi më i fortë kundër atyre që protestojnë pas vdekjes së 22-vjeçares Mahsa Amini.

"Këto lëvizje të dëshpëruara janë pjesë e një strategjie të egër të armikut për të dobësuar regjimin islamik," thanë Forcat e Armatosura iraniane në një deklaratë.

Sipas Reuters, qëllimi i ndërhyrjes, sipas ushtrisë iraniane, do të jetë për t'iu kundërvënë planeve të bëra nga armiqtë për të garantuar sigurinë e të gjithë atyre që sulmohen padrejtësisht. Në të njëjtën kohë sot, të premten, janë planifikuar demonstrata pro-qeveritare të cilat mediat iraniane i cilësojnë si një "klirim popullor kundër protestuesve".

Ajo që frikësohet lidershipi iranian është një ringjallje e protestave të vitit 2019, të cilat më pas u ndezën nga rritja e çmimit të karburantit dhe që u konsideruan si më të përgjakshmet në historinë e Republikës Islamike, kur, sipas Reuters, u vranë 1500 njerëz. Gjatë protestave për vdekjen e Makhsa-s, protestuesit në Teheran dhe qytete të tjera iraniane kanë djegur stacione policie dhe automjete, ndërsa mediat iraniane raportojnë se 280 persona janë arrestuar vetëm të enjten.

Televizioni shtetëror i Iranit, insiston në një numër të ulët të viktimave gjatë protestave duke këmbëngulur për 17 të vdekur. Mes tyre, pohon ai, ka edhe shumë policë që ranë viktima të protestuesve. Zyrtarët iranianë po përpiqen të bindin audiencën e brendshme dhe përtej kësaj nuk ka asnjë përfshirje të forcave të sigurisë në vdekjen e protestuesve. Mirëpo, demonstratat për vdekjen e vajzës së re janë kthyer në demonstrata antiqeveritare.

Në Iranin jugor, protestuesit dogjën një portret të madh të gjeneralit Qassem Soleimani, i cili u vra në janar 2020 nga një sulm i SHBA-së në Irak. Në Teheran dhe pjesa tjetër e protestuesve të vendit u vunë flakën stacioneve të policisë dhe makinave të patrullimit dhe bërtitën parulla kundër regjimit, siç raportohet nga agjencia Irna. Në një pamje të tillë që ka pushtuar mediat sociale, një grua e moshuar del në rrugët e qytetit verior të Irakut Ras me kokën e saj të zbuluar, duke bërtitur "vdekje Khamenei". Ai ka qenë lideri suprem fetar i Iranit që nga viti 1989. Ai ishte gjithashtu president i vendit nga viti 1981 deri në vitin 1989. Policia u përgjigj duke përdorur gaz lotsjellës dhe duke bërë disa arrestime.

protesta ne iran mahsa amini qassem soleimani

Sondazh

Poll

MË SHUMË