Bota

Vdekja e Mbretëreshës Elizabeth, Papa Francesku: Jam i pikëlluar për lajmin që mora, po i lutem Zotit

Menjëherë pas vdekjes së saj, Papa Françesku dërgoi një telegram për t'i shprehur ngushëllimet e tij Mbretit Charles III për vdekjen e nënës së tij, monarkut më jetëgjatë në Mbretërinë e Bashkuar.

8 Shtator 2022, 21:37 Nga I.A
Vdekja e Mbretëreshës Elizabeth, Papa Francesku: Jam i pikëlluar
Papa Françesku

VATIKAN- Papa Françesku i dërgon ngushëllimet e tij Mbretit Charles III dhe popullit të Mbretërisë së Bashkuar për vdekjen e Mbretëreshës Elizabeth II dhe vlerëson jetën e saj të shërbimit të pakursyer për të mirën e Kombit dhe të Komonuelthit. Menjëherë pas vdekjes së saj, Papa Françesku dërgoi një telegram për t'i shprehur ngushëllimet e tij Mbretit Charles III për vdekjen e nënës së tij, monarkut më jetëgjatë në Mbretërinë e Bashkuar.

“Me pikëllim të thellë kur mësova për vdekjen e Madhërisë së Saj Mbretëreshës Elizabeth II, i shpreh ngushëllimet e përzemërta Madhërisë suaj, anëtarëve të familjes mbretërore, popullit të Mbretërisë së Bashkuar dhe Komonuelthit.”

Papa tha se ai bashkohet me të gjithë ata që vajtojnë humbjen e saj duke u lutur për prehjen e përjetshme të Mbretëreshës së ndjerë dhe duke i bërë haraç jetës së saj të shërbimit të pakursyer për të mirën e Kombit dhe Komonuelthit, shembullin e saj të përkushtimit ndaj detyrës. Papa Françesku lavdëroi gjithashtu shpirtin e saj fisnik në mëshirën e Zotit Atë.

“Unë siguroj Madhërinë Tuaj për lutjet e mia që Zoti i Plotfuqishëm do t'ju mbështesë me hirin e tij të pashtershëm ndërsa ju merrni tani përgjegjësitë tuaja të larta si Mbret. Mbi ju dhe të gjithë ata që e çmojnë kujtimin e nënës suaj të ndjerë, ju kërkoj një bollëk bekimesh hyjnore si një premtim ngushëllimi dhe force në Zotin,” tha Papa.

papa françesku mbreti charles iii vdes mbreteresha elisabeth ii

Sondazh

Poll

MË SHUMË