Bota

Pezullohet lëvizja në Holandë, punonjësit e hekurudhave futen në grevë kombëtare

Kjo është hera e parë që linjat e kompanisë shtetërore anulohen në të gjithë vendin.

29 Gusht 2022, 17:58 Nga I.A
Pezullohet lëvizja në Holandë, punonjësit e hekurudhave
Foto ilustruese

HOLANDË- Punëtorët holandezë të hekurudhave do të shkojnë në një grevë mbarëkombëtare nesër pasi përshkallëzohet përplasja midis sindikatave dhe Hekurudhave NS në pronësi të shtetit për rritjen e pagave. Mediat e huaja shkruajnë se vetëm trenat për dhe nga Aeroporti Schiphol i Amsterdamit dhe ata të kompanive ndërkombëtare Thalys dhe Eurostar do të qarkullojnë, tha NS Railways në një deklaratë.

Kjo është hera e parë që linjat e kompanisë shtetërore anulohen në të gjithë vendin. Javën e kaluar pati tre aksione grevash në nivel rajonal. Sindikatat po protestojnë për pezullimin e negociatave për marrëveshjen kolektive të punës. Në vitin 2020 kompania punësonte 38,600 punëtorë. Ndër kërkesat kryesore të sindikalistëve është rritja e pagës bazë me 100 euro në muaj dhe vendosja e një kompensimi minimal për orë 14 euro.

 

greve ne holande

Sondazh

Poll

MË SHUMË