Aktualitet

VD-I vodhën varësen një gruaje, në pranga 2 autorët, në telashe dhe pronari i argjendarisë

Në pranga janë vënë dy personat me inicialet O. H dhe K. H., të cilët në bashkëpunim me njëri-tjetrin, i kanë vjedhur me dhunë varësen dhe më pas e kanë shitur atë në një argjendari në qytetin e Lezhës.

25 Korrik 2022, 09:04 Nga A.B
VD-I vodhën varësen një gruaje, në pranga 2 autorët,
Momenti i arrestimit

LEZHË- Dy persona janë vënë në pranga nga policia e shtetit pasi i kanë vjedhur me dhunë varësen e një gruaje. Ka qënë gruaja me inicialet I. K., e cila denoncoi në polici se në zonën e Astirit, persona të paidentifikuar i kanë vjedhur varësen me dhunë. Në pranga janë vënë dy personat me inicialet O. H dhe K. H., të cilët në bashkëpunim me njëri-tjetrin, i kanë vjedhur me dhunë varësen dhe më pas e kanë shitur atë në një argjendari në qytetin e Lezhës. Në vijim të veprimeve hetimore u procedua penalisht në gjendje të lirë, pronari i argjendarisë, shtetasi I. G., 39 vjeç, banues në Lezhë, për veprën penale "Përvetësimi i parave ose mallrave që rrjedhin nga vepra penale ose veprimtaria kriminale".

NJOFTIMI I POLICISË:

Finalizohet nga Komisariati i Policisë Nr. 6, operacioni policor i koduar "Discover”, për zbardhjen e një vjedhjeje të ndodhur më parë, si dhe vënien para përgjegjësisë ligjore të autorëve të saj. I vodhën me dhunë varësen një shtetaseje, identifikohen dhe vihen në pranga 2 autorët e dyshuar. Procedohet penalisht pronari i argjendarisë, që përvetësoi varësen e vjedhur. Specialistët për Hetimin e Krimeve në Komisariatin e Policisë Nr. 6 në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve para përgjegjësisë ligjore, pas një pune të mirëfilltë hetimore disaditore, organizuan dhe finalizuan me sukses operacionin policor të koduar “Discover”, si rezultat i të cilit u bë ndalimi i shtetasve:

- O. H., 18 vjeç, dhe K. H., 24 vjeç, banues në Lezhë, për veprën penale "Vjedhja me dhunë", kryer në bashkëpunim. Më datë 08.07.2022, në Komisariatin e Policisë Nr. 6, ka bërë kallëzim shtetasja I. K., se në zonën e Astirit, persona të paidentifikuar i kanë vjedhur varësen me dhunë. Strukturat e Policisë kanë organizuar menjëherë punën për zbardhjen dhe dokumentimin me prova ligjore të kësaj ngjarjeje. Pas një pune të mirëfilltë hetimore disaditore janë identifikuar dhe vënë në pranga shtetasit O. H dhe K. H., të cilët në bashkëpunim me njëri-tjetrin, i kanë vjedhur me dhunë varësen shtetases I. K., dhe më pas e kanë shitur atë në një argjendari në qytetin e Lezhës. Në vijim të veprimeve hetimore u procedua penalisht në gjendje të lirë, pronari i argjendarisë, shtetasi I. G., 39 vjeç, banues në Lezhë, për veprën penale "Përvetësimi i parave ose mallrave që rrjedhin nga vepra penale ose veprimtaria kriminale". Materialet i kaluan Prokurorisë, për veprime të mëtejshme procedurale.

arrestim ne lezhe

Sondazh

Poll

MË SHUMË