Bota

Hapja e negociatat, Sela: Qytetarët e RMV-së në përgjithësi dhe shqiptarët në veçanti kanë pritur gjatë

Në një postim në Facebook Sela tha se tashmë popujt e dy vendeve kanë pritur gjatë për këtë hap të ndërmmarë ditën e sotme drejt hapjes së negociatave me Bashkimin Europian.

19 Korrik 2022, 15:15 Nga d.a.
Hapja e negociatat, Sela: Qytetarët e RMV-së në
Ziadin Sela

MAQEDONIA E VERIUT- Kryetari i "Aleancës për Shqiptarët" në Maqedoninë e Veriut, Ziadin Sela ka reaguar në lidhje me hapjen e negociatave për Shqipërinë dhe Maqedoninë e Veriut.

Në një postim në Facebook Sela tha se tashmë popujt e dy vendeve kanë pritur gjatë për këtë hap të ndërmmarë ditën e sotme drejt hapjes së negociatave me Bashkimin Europian.

"Aleanca për Shqiptarët, bashkë më qytetarët, i gëzohet mbajtjes së mbledhjes së parë ndërqeveritare në Bruksel për çka të gjithë bashkërisht sakrifikuam, u angazhuam dhe kontribuam për të mbushur një tjetër përcaktim tonin strategjik, pas anëtarësimit të vendit në NATO."- tha Sela.

Postimi i plotë:

Qytetarët e Maqedonisë së Veriut në përgjithësi dhe shqiptarët në veçanti kanë pritur gjatë për këtë hap të parë konkret drejt hapjes së negociatave me Bashkimin Evropian. Aleanca për Shqiptarët, bashkë më qytetarët, i gëzohet mbajtjes së mbledhjes së parë ndërqeveritare në Bruksel për çka të gjithë bashkërisht sakrifikuam, u angazhuam dhe kontribuam për të mbushur një tjetër përcaktim tonin strategjik, pas anëtarësimit të vendit në NATO.
Hapja e negociatave dhe anëtarësimi në Bashkimin Evropian janë jetike për Maqedoninë e Veriut dhe shpresa e vetme për reformimin e sistemit, luftën kundër krimit dhe korrupsionit, sundimin e ligjit, barazinë e qytetarëve dhe popujve, si dhe përmirësimin e standardit jetësor dhe zhvillimin ekonomik të vendit.
Poashtu përgëzojmë edhe Shqipërinë, për këtë hap të rëndësishëm dhe i gëzohemi udhëtimit të përbashkët drejt familjes së madhe evropiane.
Tani mbetet përgjegjësi e jona që të përmbushim standardet, të realizojmë reformat, të çrrënjosim krimin dhe korrupsionin, si dhe të instalojmë qeverisjen e drejtë dhe vlerat evropiane.
Mirënjohës pa fund edhe vendeve anëtare të BE-së që edhe përkundër sfidave të shumta, gabimeve dhe dështimeve në qeverisjet e vendit tonë, nuk u dorëzuan dhe ju hapën dyert qytetarëve drejt një shprese për të ardhmen.

Sot u mbajt në Bruksel konferenca e parë ndërqeveritare me Bashkimin Europian. Tashmë Shqipëria zyrtarisht ka çelur negociatat me BE. Hapja e negociatave do të thotë një proces teknik që nis me kontrollin e plotë të administratës shtetërore shqiptare dhe të gjithë legjislacionit shqiptar që të përafrohet me legjislacionin e Bashkimit Europian.

ziadin sela negociatat me be 2022

Sondazh

Poll

MË SHUMË