Aktualitet

Në kërkim për 23 vjedhje në Gjermani, arrestohet 30-vjeçari në Durrës

Gjykata e Shkallës së Parë Durrës, pas dokumentimit të vjedhjeve nga shteti gjerman, më datë 04.06.2021, ka caktuar për 30-vjeçarin masën "Arrest në burg"

2 Qershor 2022, 10:01 Nga DOSJA

Në kërkim për 23 vjedhje në Gjermani, arrestohet

Policia Durrës

DURRËS- Vihet në pranga një 30-vjeçar i shpallur në kërkim për 23-vjedhje. 30-vjeçari i identifikuar me incialet A. L., banues në Durrës u ndalua nga policia pasi në bashkëpunim me një person të identifikuar me inicialet G. O., për një periudhë 3-vjeçare kanë kryer 23 vjedhje në Gjermani.

Të ardhurat që përfitonte nga vjedhjet 30-vjeçari i dërgonte në Shqipëri. Ndërkohë G. O., është dënuar nga autoritetet gjyqësore gjermane, me 4 vite burg.

Gjykata e Shkallës së Parë Durrës, pas dokumentimit të vjedhjeve nga shteti gjerman, më datë 04.06.2021, ka caktuar për 30-vjeçarin masën "Arrest në burg", për veprat penale "Vjedhja" e kryer në bashkëpunim, më shumë se një herë dhe "Pastrimi i produkteve të veprës penale ose veprimtarisë kriminale".

Njoftimi i plotë:

Durrës
Vihet në prangat 30-vjeçari i shpallur në kërkim për 23-vjedhje.
30-vjeçari i ka kryer vjedhjet në Gjermani dhe pas dokumentimit të ketyre vjedhjeve nga autoritetet gjermane, Gjykata e Shkallës së Parë Durrës ka caktuar masën e sigurisë “Arrest në burg” për këtë shtetas.
Specialistët për Hetimin e Krimeve në Komisariatin e Policisë Durrës bënë ndalimin e shtetasit në kërkim A. L., 30 vjeç, banues në Durrës, pasi në bashkëpunim me shtetasin G. O., për një periudhe 3-vjeçare, kanë kryer 23 vjedhje në shtetin gjerman. Të ardhurat që përfitonte nga vjedhjet, shtetasi A. L. i dërgonte në Shqipëri.
Shtetasi G. O. është dënuar nga autoritetet gjyqësore gjermane, me 4 vjet burgim.
Gjykata e Shkallës së Parë Durrës, pas dokumentimit të vjedhjeve nga shteti gjerman, më datë 04.06.2021, ka caktuar për shtetasin A. L., masën "Arrest në burg", për veprat penale "Vjedhja" e kryer në bashkëpunim, më shumë se një herë dhe "Pastrimi i produkteve të veprës penale ose veprimtarisë kriminale".
Materialet i kaluan Prokurorisë, për veprime të mëtejshme.