Ekonomi

Inflacioni kap majat në Turqi, shkon në 70% lira po bie vazhdimisht, Erdogan ia lë në dorë…Zotit

Sipas të dhënave të fundit të publikuara, monedha kombëtare turke dje ka rënë me 16% kundrejt dollarit, që do të thotë se brenda një viti ka humbur 68.94% të vlerës së saj.

26 Maj 2022, 18:51 Nga DOSJA

 

Inflacioni kap majat në Turqi, shkon në 70% lira po bie vazhdimisht,
Foto ilustruese

 

ANKARA- Ekonomia turke është në gjendje të keqe. Rënia e ekonomisë turke po vazhdon edhe këtë vit, gjë që ka qenë në favor të turistëve vendas, për shkak se shkalla e zhvlerësimit të lirës ka tejkaluar rritjen e çmimeve në tregun vendas. Por problemet për vendasit sapo kanë nisur.

Sipas të dhënave të fundit të publikuara, monedha kombëtare turke dje ka rënë me 16% kundrejt dollarit, që do të thotë se brenda një viti ka humbur 68.94% të vlerës së saj. Për shembull, qershorin e kaluar për një euro merreshin 10.4 lireta dhe tre vjet më parë 1 euro vlente 5.3 lira.

Ndërsa inflacioni ka barazuar shkallën e zhvlerësimit të monedhës dhe kërcënon ta kalojë atë për shkak të reagimeve të përshtatshme të administratës së presidentit Recep Tajip Erdogan, të cilët ia kanë lënë në dorë zotit që t’i ndihmojë.

“Herët ose vonë, siç e kemi ulur inflacionin për 4 për qind kur unë erdha në pushtet, do ta ulim sërish. Do Zoti, së shpejti inflacioni do të filloi të bjerë,”- tha Erdogan.

Humbjet e lirës së këtij viti u rritën në 18 për qind këtë muaj dhe analistët fajësojnë politikat ekonomike joortodokse të shtetit. Lira ishte relativisht e qëndrueshme në fillim të vitit, kryesisht për shkak të politikës së qeverisë për mbrojtjen e depozitave të lira nga zhvlerësimi, si dhe për shkak se banka qendrore plotësonte nevojat e tregut për valutë nëpërmjet rezervave të saj.

Inflacioni në Turqi ishte 48.7 për qind në janar, norma më e lartë që nga prilli 2002. Në shkurt, rënia e lirës dhe rritja e çmimeve të ushqimeve dhe energjisë çuan në 54.4 për qind inflacion në shkurt, më i larti në 20 vitet e fundit.

Marrë nga Blic

(k.m.dosja.al)

Sondazh

Poll

MË SHUMË