Bota

Shpërthimi i lisë së majmunit në Europë, raportohet rasti i parë në Itali

Bëhet fjalë për një të ri, i cili së fundmi është kthyer në vend pas pushimeve në Ishujt Kanarie. Pacienti është shtruar në spitalin e kryeqytetit italian, ndodhet në izolim dhe gjendja e tij e përgjithshme shëndetësore është e qëndrueshme.

19 Maj 2022, 19:37 Nga DOSJA
Shpërthimi i lisë së majmunit në Europë, raportohet
Lija e majmunit

ITALI- Mjekët në Spitalin e Sëmundjeve Infektive Lazaro Spalaccani në Romë kanë diagnostikuar rastin e parë të lisë së majmunit në Itali.

Bëhet fjalë për një të ri, i cili së fundmi është kthyer në vend pas pushimeve në Ishujt Kanarie. Pacienti është shtruar në spitalin e kryeqytetit italian, ndodhet në izolim dhe gjendja e tij e përgjithshme shëndetësore është e qëndrueshme. Autoritetet po përpiqen që të njoftojnë të gjithë ata që kanë patur kontakte me të riun në ditët para se ai të diagnostikohej me sëmundjen.

Rasti i parë i lisë u regjistrua edhe në Suedi. Personi që u identifikua me këtë sëmundje thuhet se jeton në Stokholm dhe ekspertët po hetojnë nëse ka qytetarë të tjerë të infektuar në vend. Sipas njoftimeve zyrtare në vend, nuk dihet se si është infektuar personi konkret që po trajtohet dhe gjendja e tij shëndetësore nuk është shqetësuese.

Rasti i parë i konfirmuar i sëmundjes në Shtetet e Bashkuara të Amerikës është gjetur në Massachusetts ku një pacient është një burrë, i cili është izoluar në Spitalin e Përgjithshëm të shtetit verilindor të SHBA.

Zyrtarët thonë se nuk ka asnjë rrezik për shëndetin publik për momentin, por sëmundja mund të jetë e rëndë. Në të njëjtën kohë, ata po punojnë për identifikimin e individëve që mund të kenë qenë në kontakt me pacientin.

Lija e majmunëve zakonisht fillon me një sëmundje të ngjashme me gripin dhe ënjtje të nyjeve limfatike, e ndjekur nga një skuqje në fytyrë dhe trup. Në Afrikë, njerëzit janë infektuar nga pickimet e brejtësve ose kafshëve të vogla dhe zakonisht nuk përhapet lehtë midis njerëzve.

Përhapja është e vogël, deri më tani 68 raste të dyshuara, përfshirë tetë në Angli dhe 20 në Portugali. Janë raportuar gjithashtu raste në Kanada dhe një rast në SHBA.

(d.a/dosja.al)

Sondazh

Poll

MË SHUMË