Art&Argëtim

Rrezikon 10 vite burg, si e tregonte Donaldi rrahjen brenda shtëpisë së "Big Brother Vip"

Më 1 shkurt të këtij viti, Donaldi ka folur për një histori gjatë kohës kur ka qenë në një moshë të re. Teksa po shijonte një gotë verë me banorët, aktori tha se ishte dashuruar me një vajzë gjatë kohës kur kishte qenë në gjimnaz.

13 Maj 2022, 20:49 Nga DOSJA
Rrezikon 10 vite burg, si e tregonte Donaldi rrahjen brenda shtëpisë
Donald dhe Romeo Veshaj

TIRANË- Donald dhe Romeo Veshaj janë rikthyer në qendër të vëmendjes me historinë e tyre të përballjes me drejtësinë, pasi rrezikojnë 10 vite burg. Por historia e treguar në vetën e parë nga Donaldi brenda shtëpisë së “Big Brother VIP” ishte larg të vërtetës. Më 1 shkurt të këtij viti, Donaldi ka folur për një histori gjatë kohës kur ka qenë në një moshë të re. Teksa po shijonte një gotë verë me banorët, aktori tha se ishte dashuruar me një vajzë gjatë kohës kur kishte qenë në gjimnaz.

Në një moment, ai rrëfeu se partneren e tij e ndiqte një person me makinë dhe kur ky e vuri re u përfshi në një konflikt fizik me të, por personi në fjalë e denoncoi në polici.

“Më denoncoi, por nuk ishte diçka serioze, dhashë deklaratën time dhe aq. Por kam qenë shumë xheloz, i sëmurë fare,”- tha Donaldi. Por duket se ka qenë goxha serioze dhe tjetër histori.

Ngjarja ka ndodhur më 7 shkurt të vitit 2013, kur Romeo dhe Donald ishin adoleshentë, pranë shkollës së mesme “Mustafa Qemal Ataturku” në lagjen “Pavarësia” të Vlorës. Sherri nisi më 6 shkurt 2013 rreth orës 13:30, Arjan Lalaj ( i plagosuri) ka qenë pranë shkollës “Mustafa Qemal Ataturku” i shoqëruar nga një tjetër person në pritje të të fejuarës së tij, e cila ishte nxënëse në këtë shkollë. Në kohën që vajza ka dalë nga shkolla afër saj ka kaluar një makinë duke xhiruar gomat dhe bërë veprime provokuese, të cilat kanë shqetësuar Arjanin dhe menjëherë ky i fundit ka ndaluar drejtuesin e mjetit Romeo Veshaj.

Një ditë më vonë, 7 shkurt 2013, rreth orëve të drekës, Arjani ka qenë po në afërsi të shkollës në shoqërinë e tre kushërinjve të vajzës në pritje të kësaj të fundit, ku janë përplasur fizikisht me vëllezërit. Me shkresën e datës 5 gusht 2013 të dërguar nga instituti i Mjekësisë Ligjore rezultonte së dëmtimet e Arjan Lalajt në sherrin e 7 shkurtit ishin klasifikuar si plagosje të rëndë, pasi ato kanë dhënë shëmtim të përhershëm të fytyrës.

(k.m/dosja.al)

 

 

Sondazh

Poll

MË SHUMË