Bota

Skandali në Slloveni përfshin ambasadorin e Kosovës, Berishaj: Janë shpifje të mediave

22 Prill 2022, 11:29 Nga DOSJA

Skandali në Slloveni përfshin ambasadorin e Kosovës, Berishaj:

KOSOVË- Ditën e djeshme mediat sllovene kanë zbuluar një skandal të madh financiar ku është përfshirë edhe ambasadori i Kosovës në Kroaci, Martin Berishaj me kryetarin e Partisë së Lirisë në Slloveni, Robert Golob.

Sipas informacioneve të zbuluara, Berishaj i ka dhënë 600 mijë euro cash Golob me anë të kompanisë së tij MP Consulting në Mal të Zi nga e cila janë derdhur 5 deri në 50 mijë euro çdo muaj. Pronari i vetëm i kompanisë është ambasadori i Kosovës Martin Berishaj.

Televizioni slloven, Planet TV, ka raportuar se një pjesë e dokumentacionit të siguruar tregon se ngjarja në fjalë është shtrirë në vitet 2019 dhe 2020.

“Pagesat janë kryer nga dega për Serbi e GEN (kompani energjetike) te kompania private MB Consulting në Mal të Zi, me të cilën kompani GEN ka marrëveshje për këshillime. Janë realizuar pagesa mujore prej 5 deri në 55 mijë euro në muaj, ose gjithsej mbi gjysmë milioni euro”, raporton media sllovene.

Televizioni Planet ka mësuar se kompania malazeze ( ku pronar është Berishaj) është themeluar vetëm 10 ditë përpara se të bëhej pagesa e parë e parave nga kompania GEN e Beogradit.

Burimi i ka treguar televizionit Planet që paratë që Berishaj ia ka dërguar politikanit slloven, ky i fundit i ka investuar në një fond italian. Berishaj njihet si mik shumë i afërt i kryeministrit Kurti. Ai ka qenë ndër të parët që kishte shkuar për të festuar në selinë e LVV-së, pas fitores në zgjedhjet e vitit të kaluar.

Berishaj, ka mohuar akuzat për përfshirje në skandalin financiar dhe ka paralajmëruar padi ndaj portalit që ka publikuar skandalin.

“Pavarësisht nga fushata parazgjedhore në Slloveni dhe ballafaqimi i fundit i mbrëmshem në mes akterve kryesor politik, i z. Janša dhe z. Golob, ku u mohua shkrimi i Planet tv lidhur me emrin tim, nga sot, padia ime kunder portalit ne fjalë, hap rrugë per fjalen e fundit gjykatës. Nuk është e drejtë të jemi thjesht të sigurtë në drejtësi dhe në të vërtetë. Duhet edhe ta mbrojmë drejtësinë dhe te vërtetën. Përndryshe shpifjet bëhen normale”, ka shkruar Berishaj.

Golob, gjithashtu i ka mohuar akuzat për përfshirje në aferën e dyshuar për shpërlarje parash dhe tha se Berishaj është mik i Janez Janshas, kryeministrit slloven. Ai deklaroi se të gjitha të ardhurat i merr vetëm në Slloveni dhe se e gjithë pasuria e tij është “e pastër dhe ka origjinë të njohur”.

Ndërkohë presidentja Vjosa Osmani, në konferencën për media me homologun nga Letonia, Egils Levits, ka thënë se është për keqardhje që konstatohet diçka për ambasadorin Berishaj pa u hetuar nga organet e drejtësisë.

“Sa i përket pyetjes që në fakt nuk ishte pyetje por konstatim, është për keqardhje që ju konstatoni një gjë për një ambasador të Kosovës por që nuk është konstatuar nga asnjë organ i drejtësisë por thjesht ësht shkruar nga një media për të cilën ambasadori e ka mohuar në tërësi dhe do të ndjek të gjitha rrugët ligjore. Sa i përket dekretimit natyrisht që e kam dekretuar edhe shtetësinë sepse janë kompetenca të presidentes pra kam vepruar në përputhje të plotë me ligjin”, tha ajo para gazetarëve.

ZHVILLIMET ORË PAS ORE:

Skandali/ Kompania GEN e lidhur me ambasadorin Berishaj mori 4.2 milion € nga Kosova

Skandali në Slloveni, Buzhala: Pse nuk mbështesin kështu edhe ish-Presidentin Thaçi

‘Të sjellë raport me shkrim’,Osmani ‘ndryshon’ qëndrim në lidhje me skandalin e ambasadorit

Nuk ndikon në zgjedhje, kandidatja shqiptare në Slloveni flet për skandalin e ambasadorit

Skandali i ambasadorit të Kosovës, Kurti: Janë lajme të rreme, do paditet media sllovene

U përfshi në skandalin e ryshfetit në Slloveni, kush është ambasadori i Kosovës (PROFIL)

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

rajoni rajoni martin berishaj robert golob skandali ne slloveni martin berishaj robert golob skandali ne slloveni