Editorial

Quiz social-politik!

3 Prill 2022, 12:32 Nga DOSJA

Nga Agron Gjekmarkaj

Zëri i tij në 31 vjet pluralizem si ka munguar kurrë publikut shqiptar! Ai kur flet gjemon, sokëllin, vikat , mundohet, sforcohet për tokën betohet. Të rrumbullta e origjinale i ka mendimet të gjitha i lidhen në stomak, disa i shkojnë lart disa i shkojnë poshtë. Ato që njerr nga goja shoqërohen me tinguj gërrrrrr gërrrrrr, mërrrrr mërrrrr, dërrrrr dërrrrr, bërrrrr bërrrrr!

Si krisma e një pistolete lodër dëgjohet nëpër studio kokrrama e tij. Tund gishtin, tund kokën që të ruaj të prapmen. Përpvlitet zvarritet, çapitet pas Doktorit venitet ! Në emer të tij kërcvnon, fal dhe premton. Serviloset ndaj të madhit zymtohet pranë të voglit. Ha presh bën përshesh. Nëpër poste plaket, i pacipë, zvarranik me shikimin si qukapik. Qylxhi, llokmaxhi se ndal asnjë perendi. Hiqet si katolik po është stramastik, pi birrë dhe shpirtin e ka hirrë.

Në origjinë është bektashi ka prishur Kisha e Xhami po jeta i ka shkuar birinxhi.

Me shokun Enver ka bërë fotografi pas aksionit kundër objekteve të kultit ! Grupet armiqesore luftoi gjithë jetën në parti, për vete një herë u bë armik po Doktori e fali e vuri në peqi ku ai denesi si femijë. Ideolog, demokrat, intelektual, matrahul përdoret gjithmonë si shul.

Shahin Kadarenë pat habitur teksa spiunonte “armiqtë e Doktorit” por ai dilemën shpejt e shoi e me një stilemë në shënjë qëlloi. Gomari lart e më lart fluturoi. Tani sillet si triumfator, si vigan ashik që mbush vendin me pleh organik, si rithemelues, si përbashkues !

Gjuha i thahet se kepucet e Doktorit lepin po lart e me lart do e çojnë Partinë. E dikush e quan zullap, ndonjë e thërret trap, këllirë në këtë rrëpirë. Po ai nuk ndalet gjithmonë në pushtet rron në selamet minister e deputet plot 30 vjet. Ky është rithemeluesi, zë ndëshkuesi ky që bën tërrrr tërrrrr , dërrrrr dërrrr përrrr përrrrr !

“More dudum kokëkungull
Gojëbuall e barkrrumbull
Thuamë, të rëntë pika!
C`të duhet ty politika?
Hiq, more dudum dorë, hajde
Të të kllasëm në një kade
Plot me mjalt`e me reçel
Ha pi e kurrë mos del”.

Konica këtë pyetje do i bënte se Konica nuk e njeh Doktorin si përkufizuesin e vetëm të virtyteve, si magazën e vetme të së drejtës e jo me lakeun e tij senil me të cilin po na dizenjon të ardhmen. A është gabim? Po është po ç’ti bësh vdiq pa e njohur. A e gjeni dot kush është personazhi?

Quizi do jetë rubrika e re e kësaj kohe jallane e cila do ftojë kujtesen e lexuesit në i gjen menjëherë 15 personazhet që në fokus do ketë?!! Gërr -Gërri qe i pari si më i dukshmi e lozonjari, si më i perkushtuari e ofiqari.

Shkruar për Dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

editorial editorial agron gjekmarkaj agron gjekmarkaj