Aktualitet

Osman Mula: Kemi rrëzuar Enverin, të rrëzojmë edhe ty Edi Rama, qeveria urren qytetarët

10 Mars 2022, 17:23 Nga DOSJA
Osman Mula: Kemi rrëzuar Enverin, të rrëzojmë edhe ty Edi

TIRANË- Artisti i njohur Osman Mula i është bashkuar protestës së sotme në Tiranë për rritjen e çmimit të naftës. Mula gjatë fjalës së tij tha se shqiptarët kanë rrezuar regjimin e diktatorit Enver Hoxha, janë të aftë të rrëzojnë edhe atë nga pushteti. Mula tha se qeveria i urren qytetarët, pasi teksa ata nuk kanë lekë për drita dhe ujë, Rama shkon në Dubai.

“Një pjesë e madhe e rinisë ka ikur. Këtë pjesën këtu, policia që dikur thoshte është me ne i merrte dje zvarrë e i dërgonte me furgona. Është krim t’i marrësh njerëzit që japin shpresën e nesërmes. Për ta që kanë shkruar Migjeni diku, e të arrestohen. Kjo është fytyra e një shteti mafioz, makabër, që ka dhunën. Kur pash mbrëmë një grua që foli disa herë, që tha që e kam 120 mijë pensionin dhe i vinin shumë lekë drita. Nga e gjetët kaq shpejtë urrejtjet? I rritët kamatat tre erë mbrëmë. Ju jeni kompani që financoni në rast zgjedhjes, ndaj jeni trima. Prandaj jeni ju dritat e së ardhmes, ju jeni shpresë e dritë që i jepni me kuptuar popullit që ne jemi ata që kemi hedhur Enverin. Ndaje mendjen, si i bën karshillëk popullit tënd? Ata s’kanë lekë për drita, e ju bëni karshillëk e ikën në Dubai.

Pse nuk ulesh me fol, pse nuk e bën si të gjithë kryeministrat e Ballkanit. Greku u ul e tha se nëse ne do të rrisim karburantin tejet normës që kemi ne si shtet do të ketë procedim. Këtë po bëjnë të gjitha shtetet. Si thotë ministrja Balluku ikni në këmbë? Njerëzit kanë halle. Pse nuk ulesh me biseduar, je kryeministër i të gjithëve. Ulu, bëj diktat dhe thuaj se kështu duket. S’e ke bërë asnjëherë. Ne nuk kemi më besim tek ti. Fëmijët tanë lajnë pjatat? Jam artist i popullit e marr 300 mijë pension, nuk më del, t’ju vij turp. Ju marrsha të keqen trima, ky vend ka nevojë për burra. Nëse merrni një të ri, më merrni mua më mirë. As ua kam frikën hiç, s’ua kam pasur. Do të hy fukara në vorr, por do të hy si burrat. Ju mallkoftë Zoti ju Mallkoftë. Zot i madh, ruaje këtë vend shqiponjash”, tha Mula.

LAJMI KRYESOR: Qytetarët ngrihen kundër qeverisë, thirrje për grumbullime, nga Tirana tek Rruga e Kombit

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet osman mula proteste per rritjen e cmimeve osman mula proteste per rritjen e cmimeve

Sondazh

Poll

MË SHUMË