Djegia e mandateve vendim i rrezikshëm, qëndrimet e ndërkombëtarëve të pafytyra
Një vit më parë, kur kjo ide u bë e modës nga shumë mendje të nxehta në anën e opozitës, kam qenë kundër djegies së mandateve. Asgjesimi i mundësisë për të hyrë...
Insights
We love USA…
Djegia e mandateve nga ana e opozitës nuk është një vendim i papritur sesa është një akt i vonuar në pritshmëritë konstante të mendjeve të arsyeshme qytetare të këtij vendi.
Ata shqiptarë që nuk e kanë braktisur ende këtë vend qëndrojnë vetëm sepse në vetdijen e tyre më të lartë nga Shqipëria duhet të largohet Edi Rama dhe asnjë qytetar tjetër më.
Vetëm në këtë mënyrë ambasada mund t’i kursejë vetes punën e stërmundimshme të verifikimit të 300 mijë aplikimeve vjetore të shqiptarëve për llotarinë amerikane. Ky akt është i volitshëm edhe për ju.
Vetëm me largimin e Edi Ramës, investitorët me shtetësi amerikane si Faad Mitri nuk do të gjymtohen rrugëve të Shqipërisë nga bandat pranë-qeveritare. Ky vendim është i volitshëm edhe për ju. Vetëm me largimin e Edi Ramës, Shqipëria nuk do të votojë kurrë kundër interesave amerikane në OKB siç ka ndodhur plot 2 herë vitin e shkuar.
Ju betohem që kjo është një gjë e mirë edhe për raportet tona. Me largimin e Edi Ramës, asnje kryeministër shqiptar nuk do të dalë në CNN që të sulmojë kandidatin për President të SHBA që më pas zgjidhet si i tillë duke ndërhyrë në një proces zgjedhor të një vendi tjetër.
Ju betohemi që ky është një siklet që e vuajmë sot e gjithë ditën dhe po iku Edi Rama nuk do të përsëritet më kurrë. Na lejoni ta djegim politikisht Edi Ramën dhe le të shërbejë ky akt i opozitës si një “Shpatë Damokleu” që nëse keq-qeveris si Rilindja të shporret njësoj si ajo po njësoj…
P.S…Fundja na lejoni më mirë të djegim mandatet e deputetëve sesa të digjet e gjithë Shqipëria… coz we love so much USA.
Tirana është boshatisur për ditët e pushimit. Cilën nga ritet e shenjta po ndiqni:
Sondazh
Poll