Bota

“Është për të mirën e zgjedhjeve”, KQZ kërkon heqje të orës policore për 48 orë

15 Tetor 2021, 12:40 Nga DOSJA

KOSOVË- Komisioni Qendror i Zgjedhjeve në Kosovë ka kërkuar nga qeveria Kurti pezullimin e kufizimit të lëvizjes për ditën e shtunë dhe të dielë, pasi do të zhvillohen zgjedhjet për Kryetar Komune dhe liria e lëvizjes është e nevojshme.

Ka qënë vetë zëdhënësi i KQZ-së, Valmir Elezi, i cili ka deklaruar se kërkesa për heqjes së orës policore për 48 orë, është bërë edhe në mbledhjen e fundit të KQZ-së. Teksa ka folur për këtë, Elezi ka thënë se shpreson se Qeveria do t’ua miratojë këtë kërkesë.

“Komisioni Qendror i Zgjedhjeve është në fazën përfundimtare të përgatitjes së procesit zgjedhor dhe me qëllim të kryerjes së detyrave gjatë procesit të votimit, do të jenë të angazhuar rreth 15 mijë anëtarë të këshillave të vendvotimit si dhe rreth 25 mijë vëzhgues do të jenë prezentë në vendvotime për të parë nga afër procesin e votimit. Prandaj për të mundësuar kryerjen e detyrave zyrtare dhe duke qenë të vetëdijshëm për masat kufizuese, që përfshijnë kufizimin e lëvizjes nga ora 22:00 deri në ora 5 të mëngjesit, KQZ-ja ka kërkuar nga Qeveria e Kosovës që të pezullojë kufizimin e lëvizjes për të gjithë qytetarët e Kosovës më datë 16 dhe 17 tetor. Gjatë mbledhjes së fundit që është mbajtur në KQZ, në mënyrë unanime anëtarët e KQZ-së kanë shprehur besimin se pezullimi i kufizimit të lëvizjes gjatë kësaj fundjave do t’i shërbente krijimit të një atmosfere pozitive për qytetarët e Kosovës”, tha Elezi.

Më tej Elezi ka thënë se duke pasur parasysh që janë mijëra persona të angazhuar, largimi i orës policore do ta ndihmonte shumë këtë proces zgjedhor, pasi sipas tij, trupat zgjedhore mund të mbesin edhe pas orës 22:00 në vendvotime.

“Sigurisht duke pasur parasysh që kemi të bëjmë me mijëra persona që do të angazhohen dhe kanë rol aktiv në proces zgjedhor, e që pjesa më e madhe e tyre mund të jenë në vendvotime për të parë procesin e numërimit të fletëvotimeve që mund të shkojë përtej kohës kur fillon kufizimi i lëvizjes së qytetarëve, atëherë besojmë që kjo do t’i ndihmonte KQZ-së dhe trupave zgjedhore që ta kryejnë detyrën e tyre zyrtare”, tha ai.

Lajmi kryesor/ Kosova gati për zgjedhjet e së dielës, kërkohet heqja e orës policore

(m.k/dosja.al)

Cila mendoni se është alternativa më e mirë:

View Results

diaspora diaspora kqz kosove valmir elezi zgjedhjet ne kosove zgjedhjet per kryetar komune ne ksoove kqz kosove valmir elezi zgjedhjet ne kosove zgjedhjet per kryetar komune ne ksoove