Ekonomi

BERZH i jep hua 70 milionë euro OSHEE-së për përballimin e pasojave të pandemisë

9 Shtator 2021, 05:15 Nga DOSJA
BERZH i jep hua 70 milionë euro OSHEE-së për përballimin e

TIRANË– Banka Europiane për Rindërtim dhe Zhvillim (BERZH) njoftoi se ka dhënë një hua prej 70 milionë eurosh për kompaninë shqiptare të energjisë Operatori I Shpërndarjes se Energjisë Elektrike (OSHEE), në mënyrë që ajo të adresojë mangësitë e likuiditetit të shkaktuar nga pandemia Covid-19. Kjo linjë kredie mund të financojë gjithashtu ndërtimin e një nënstacioni modern, nëntokësor në Tiranën qendrore.

OSHEE është ndërmarrja më e madhe shtetërore në sektor në Shqipëri, me më shumë se 6,000 punonjës. Kompania e saj e shpërndarjes menaxhon dhe operon rrjetin e shpërndarjes së energjisë në vend dhe infrastrukturën përkatëse, ndërsa furnizuesi i tij me pakicë është përgjegjës për furnizimin me energji elektrike të klientëve të rregulluar.

Kredia e BERZH-it shoqërohet me një paketë të rëndësishme asistence teknike për të ndihmuar OSHEE-në të përmirësojë protokollet e saj të shëndetit dhe sigurisë, të forcojë qeverisjen e saj kundër korrupsionit dhe të zhvillojë një program trajnimi gjithëpërfshirës për profesionistët e rinj. Paketa do të përfshijë gjithashtu një studim të zhvillimit të rrjetit të zgjuar të matësave për të eksploruar dixhitalizimin e rrjetit të shpërndarjes.

Në nënshkrimin sot në Tiranë morën pjesë delegacione të kryesuara nga Ministrja e Infrastrukturës dhe Energjisë Belinda Balluku, Ministrja e Financave dhe Ekonomisë Anila Denaj dhe Zëvendëspresidenti i Parë i BERZH Jürgen Rigterink.

Ministrja Denaj tha: “Ky është një projekt i rëndësishëm për OSHEE dhe për sektorin shqiptar të energjisë. Kredia e BERZH do të mbështesë përpjekjet e OSHEE për të zbutur pasojat e Covid-19 dhe për të modernizuar dhe komercializuar operacionet e saj të biznesit. Ky projekt përputhet me arritjet tona të rëndësishme në reformimin dhe përmirësimin e sektorit të energjisë shqiptare. ”

Nënkryetari i parë i BERZH Rigterink shtoi: “Ne jemi të kënaqur të mbështesim këtë projekt, i cili do të sigurojë lehtësim likuiditeti për OSHEE pas krizës Covid-19. Ne po kombinojmë mbështetjen e likuiditetit me financimin e infrastrukturës novatore në sistemin e shpërndarjes shqiptare. Kjo është mundësia jonë e parë për të mbështetur OSHEE dhe kemi besim se sot po hedhim themelet e një partneriteti afatgjatë.”

Adrian Çela, CEO i OSHEE, tha: “Jam i kënaqur që firmos këtë projekt sot për të mbështetur biznesin e OSHEE pas pasojave të Covid-19 dhe ndërtimit të mundshëm të një nënstacioni modern nëntokësor, i pari i këtij lloji në Shqipëri. OSHEE gjithashtu do të përfitojë nga një paketë asistence teknike që mbështet ambiciet e modernizimit të OSHEE dhe zbatimin e standardeve më të mira në operacionet e tij. ”

BERZH është një investitor institucional kryesor në Shqipëri. Deri më sot, Banka ka investuar 1.69 miliardë euro në 115 projekte në vend, sipas njoftimit zyrtar.

Marrë nga Monitor.al 

Iftar dhe politikë, a u prek Muaji i Ramazanit nga politikanët?

View Results

ekonomi ekonomi berzh per oshee berzh per oshee

Sondazh

Poll

MË SHUMË