TIRANË– Ministria e Mbrojtjes ka bërë një pasqyrim të situatës së zjarrve në vend, të cilët janë të shpërndarë në 6 qarqe. Në të gjithë vendin gjithsej janë aktive 16 vatra zjarri të shpërndarë nga jugu në veri. Gjatë natës një vatër e re është aktivizuar në lagjen Tepe të bashkisë së Shkodrës dhe po në të njëjtën kohë, një tjetër vatër është shfaqur në fshatin Cerunjë në Elbasan. Po ashtu, një vatër e re është shfaqur edhe në fshatin Gadurovë të Fierit ku është përfshirë nga flakët një sipërfaqe me shkurre, pisha dhe ullishte.
Situata e zjarreve ne vend
Qarku Vlorë
Vazhdon puna nga forcat operacionale për shuarjen e zjarrit në Gadishullin e Karaburunit, ku janë angazhuar 319 forca të FA, 31 mjete, 4 autoambulanca, 21 punonjës të zjarrfikëses dhe njësisë së pushtetit vendir, si edhe 3 helikopterë.
Në fshatin Delisuf të bashkisë Vlorë, vijon të jetë aktiv zjarri i rënë në sipërfaqe me shkurre dhe pisha. Po punohet për izolimin e flakëve.
Qarku Shkodër
Zjarri në fshatin Cukal, njësia administrative Shllak, bashkia Vau Dejës është izoluar në pjesën më të madhe të tij, por kanë mbetur vetëm disa vatra të vogla, të cilat po kontrollohen nga forcat në terren. Në qytetin Fushë Arrëz, bashkia Fushë Arrëz, vazhdon zjarri. Në ndihmë të forcave dhe mjeteve të të njësive Fushë-Arrëz dhe Pukë ka shkuar edhe një helikopter. Operacioni për shuarjen e zjarrit do të vijojë ditën e nesërme.
Një zjarr u raportua rreth orës 22:31, në lagjen Tepe të bashkisë Shkodër. Në vendngjarje kanë shkuar 2 mjete të MZSH Shkodër dhe 6 forca të cilët po punojnë për shuarjen e zjarrit.
Qarku Dibër
Vijon të jetë aktiv zjarri në fshatin Lukan , njësia administrative Selishtë, bashkia Dibër. Zjarri ka përparuar në një pjesë shkëmbore më pak të pyllëzuar. Për shuarjen e zjarrit janë angazhuar forcat zjarrfikëse dhe vullnetarë të zonës. Në Qafë Murrë, Njësia Administrative Selishtë, bashkia Dibër, vijon zjarri në sipërfaqe me pisha dhe shkurre.
Qarku Gjirokastër
Në fshatrat e Njësisë Administrative Antigone kanë vijuar të jenë aktive vatrat e zjarrit në fshatrat Arshi Lengo, Asim Zeneli, Krinë. Në fshatrat e Njësisë Administrative Lunxhëri vijojnë të jenë aktive vatrat e zjarrit në fshatrat Qesorat, Dhoksat, Tranoshisht dhe Saraqinisht. Po vijon puna për të mbajtur nën kontroll situatën. Në këto vatra zjarri dhe në Parkun Arkeologjik të Antigonesë është punuar gjatë gjithë ditës edhe me një helicopter për shuarjen e flakëve.
Qarku Fier
Një zjarr ka rënë në një sipërfaqe me shkurre, pisha dhe ullishte në fshatin Gadurovë, Njësia Administrative Selishtë, në Mallakastër. Për shuarjen e tij janë angazhuar forcat zjarrfikëse, të bashkisë, të Policisë Bashkiake dhe forca vullnetare. Zjarri vijon të jetë aktiv për shkak të sipërfaqes së madhe të favorizuar nga era dhe terrenit të thyer malor.
Qarku Elbasan
Një tjetër zjarr ka rënë rreth orës 22:30 në fshatin Cerujë, bashkia Elbasan, në një sipërfaqe me shkurre. Për shuarjen e flakëve janë në terren forcat e shërbimit vendor të zjarrfikëses.
(k.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Një video nga brenda tragetëve që nisen për në Shqipëri është publikuar në rrjetet sociale. Një qytetar ka filmuar çfarë ndodh brenda kabina...
Studimi i parë që hedh dritë mbi ecurinë e infektimit të Covid-19, sipas grupmoshave, sëmundjeve dhe krijimit të imunitetit në Shqipëri, është publikuar nga Urd...
TIRANË– Instituti i Gjeoshkencave, Energjisë, Ujit dhe Mjedisit ka bërë parashikimin e motit për ditën e sotme në vendin tonë. Sipas parashikimit të ...
KUKËS– Nga dje, Shqipëria nuk ka vatra zjarri vetëm në jug të vendit. Gjatë mbrëmjes, zjarr ka rënë edhe në Surroj të Kukësit, shumë pranë qytetit. Si&cced...
SHBA- Mediumi amerikan CNN i ka kushtuar një artikull situatës së zjarreve në Rajonin e Ballkanit dhe Evropë. Në artikullin e tij, CNN shkruan se situata nga zj...
ITALI– Ilirjan Reshataj, 48 vjeç, me origjinë nga Shqipëria, është aksidentuar dhe ka humbur jetën në mënyrë tragjike. Ngjarja ka ndodhur mbrëmjen ...
VLORË– Semfaori në Kaninë të Vlorë ka sjellë një ‘lëmsh’ të drejtuesve të mjeteve që po udhëtonin në këtë zonë.Pamjet e publikuara nga FaxNews tregoj...
LEZHË– Kodrat e Shëngjinit janë përfshirë nga flakët mbrëmjen e sotme. Mësohet se kjo vatër e re është aktivizuar pas orës 21:00 dhe ka përfshirë kod...
TIRANË– Një shitës në supermarket nuk e ka pasur aspak problem as distancën me policinë dhe as faktin se ishte lodhur dhe duhej të kthehej në banesë....
TIRANË– Automotoparku i parë shqiptar po projektohet për t’u ndërtuar në Elbasan dhe do të materializohet nën kujdesin e Federatës Ndërkombëtare e Automobi...