Bota

Publikimi i non-paper për Kosovën, Osmani: Strategjia e Serbisë për të destabilizuar rajonin

28 Prill 2021, 08:06 Nga DOSJA
Publikimi i non-paper për Kosovën, Osmani: Strategjia e Serbisë

KOSOVË– Presidentja e Kosovës, Vjosa Osmani, ka konsideruar se “non-paper”-i i cili parasheh që veriu i Mitrovicës të jetë pjesë autonome e Serbisë dhe komunave me shumicë serbe t’u jepen kompetenca ekzekutive, e kanë autorin në Serbi.

Osmani reagimin e ka bërë nëpërmjet një postimi në ‘Facebook’, teksa e ka parë “non-paper”-in si strategji të Serbisë për destabilizimin e agjendës së dialogut.

“Kjo është strategji e vjetër e Serbisë, e përsëritur tani me qëllim që një qasje e tillë të normalizohet e të bëhet pjesë e debatit të përditshëm, e pastaj edhe e agjendës së dialogut, kërkesë kjo e rrezikshme dhe destabilizuese e saj, por dhe e Rusisë. Prandaj, të mos bijmë në kurthin e tillë. Të kemi besim në aleatët tanë, por mbi të gjitha të kemi besim në vetveten”,- ka shkruar ajo.

Presidentja ka përmendur edhe të pagjeturit nga lufta e fundit në Kosovë, duke thënë se sot duhet përkujtuar ata, e jo të merret me “non-paper”.

Postimi i plotë:

Të gjitha ato  “non-papers”, që kanë përbrenda ide destabilizuese për rajonin tonë e kanë vetëm një burim: Serbinë.

Kjo është strategji e vjetër e Serbisë, e përsëritur tani me qëllim që një qasje e tillë të normalizohet e të bëhet pjesë e debatit të përditshëm, e pastaj edhe e agjendës së dialogut, kërkesë kjo e rrezikshme dhe destabilizuese e saj, por dhe e Rusisë. Prandaj, të mos bijmë në kurthin e tillë. Të kemi besim në aleatët tanë, por mbi të gjitha të kemi besim në vetveten. “Non-papers”, të tillë lëre që refuzohen nga ana jonë, por as nuk do të mund t’i përcaktojnë veprimet tona e as mbarëvajtjen e dialogut.

Leximi i kujdesshëm i këtyre “non-papers” dhe idevë që prezantohen aty (siç janë ndryshimi i kufijve, krijimi i regjioneve autonome apo pushteteve të treta) tregon qartë se kush është hartuesi i vërtetë i këtyre dokumenteve.

Sot është dita kur kujtojmë më të dashurit tanë fatin e të cilëve ende nuk e dijmë. Përderisa dhimbja jonë për ta vazhdon, përgjigjja rreth fatit të të zhdukurve me dhunë gjendet në Serbi. Asnjë “non-paper”, nuk mund t’i ndryshojë prioritetet e as kërkesat tona të drejta në raport me Serbinë: zbardhja e fatit të të zhdukurve, drejtësia si dhe  reparacionet për dëmet e luftës.

Të gjitha ato “non-papers”, që kanë përbrenda ide destabilizuese për rajonin tonë e kanë vetëm një burim:…

Posted by Vjosa Osmani on Tuesday, April 27, 2021

Ditën e djeshme u publikua një dokument non-paper, ku Kosova nuk do të duhej të vendoste barriera tregtare ndaj Serbisë, ndërsa Serbia të respektonte status-quon lidhur me praninë ndërkombëtare të Kosovës. Të dyja palët do të duhet të respektojnë moratoriumin në skenën ndërkombëtare.

“Presidenti i Serbisë, Aleksandër Vuçiç, duke përfaqësuar Beogradin, dhe kryeministri Albin Kurti, duke përfaqësuar Prishtinën, do të udhëheqin diskutimet për finalizimin e marrëveshjes për normalizimin e raporteve mes palëve. Procesi do të duhej të përmbyllej para fundit të shkurtit të vitit 2022”,- thuhet në këtë dokument.

(d.a/dosja.al)

Lajmi kryesor/ Publikimi i dokumentit ‘non-paper’/ Kosova dhe Serbia duhet të njohin integritetin territorial dhe sovranitetin e njëra-tjetrës

Rama është propozuar për president nga disa deputetë socialiste, mendoni se:

View Results

diaspora diaspora non paper per kosoven vjosa osmani non paper per kosoven vjosa osmani

Sondazh

Poll

MË SHUMË