Bota

Blinken letër Kurtit: Dialogu me Serbinë të nisë pa vonesa, në qendër duhet të jetë njohja reciproke

8 Prill 2021, 12:43 Nga DOSJA
Blinken letër Kurtit: Dialogu me Serbinë të nisë pa vonesa,

KOSOVË- Sekretari amerikan i shtetit, Anthony Blinken, i ka shkruar letër Kryeministrit të Kosovës, Albin Kurtit, në të cilën i ka kërkuar përfshirjen e Kosovës në procesin e dialogut me Serbinë pa vonesa, të ndërmjetësuar nga Bashkimi Evropian e të cilin e mbështesin edhe Shtetet e Bashkuara të Amerikës.

Shefi i politikës së jashtme të SHBA-së ka thënë se qendër e marrëveshjes me Serbinë duhet të jetë njohja reciproke, që sipas Blinken është esenciale për avancimin e Kosovës në rrugën drejt BE-së.

Sipas Express, ai ka shkruar se Shtetet e Bashkuara të Amerikës e kanë mirëpritur formimin e qeverisë së re dhe se presin të punojnë ngushtë për të siguruar, siç ka thënë ai, që Kosova sovrane, e pavarur, shumë-etnike dhe demokratike të zë vendin e saj si partner i barabartë në familjen euro-atlantike.

Sekretari Blinken ka thënë se i kanë mirëpritur zotimet e kryeministrit Kurti për luftimin e korrupsionit, fuqizimin e sundimit të ligjit dhe rikuperimin nga pandemia COVID-19, si edhe përpjekjet e tij për realizimin e aspiratave të popullit të Kosovës.

Letra u është dërguar mediave nga zyra për media e Kryeministrisë.

(d.a/dosja.al)

Rama është propozuar për president nga disa deputetë socialiste, mendoni se:

View Results

diaspora diaspora albin kurti anthony blinken dialogu kosove-serbi albin kurti anthony blinken dialogu kosove-serbi

Sondazh

Poll

MË SHUMË