Gjatë pandemisë interneti nuk ishte vetëm shpëtimi por edhe rreziku më i madh për shumë fëmijë shqiptarë. Sipas raportit të 3-të Kombëtar “Të përdhunuar në internet: Industria e Internetit përballë mbrojtjes së fëmijëve dhe adoleshentëve në Shqipëri!”, faqet shqiptare më përmbajtje të papërshtatshme që kërcënojnë dhe rrezikojnë fëmijët dhe të rinjtë u rritën në mënyrë drastike. Në raport shkruhet se krahasuar me një vit më parë, “ku nga raportet këto faqe ishin pothuaj zero, këtë vit ato janë rritur në masën 8%”.
“Unë kam një djalë 13-vjeç dhe në dijeninë time, ai nuk ka hasur kurrë probleme në internet” tregon Drita, një nga prindërit me të cilët komunikoi “Gazetasi.al”. Por Drita nuk e mohon faktin që fëmija e saj të ketë qenë në kontakt me këto faqe dhe të ketë hasur në probleme. Ajo nuk ka kontroll gjatë gjithë kohës.
Të tjetër prindër që “Gazetasi.al” foli me to, nuk e dinë se ka një platformë që është e krijuar për të mbrojtur fëmijët nga interneti i pasigurt dhe mjaftohen me kontrollin që ju bëjnë vetë fëmijëve.
Psikologja Ariana Muça thotë se mungesa e sigurisë së fëmijëve në internet ka shumë fajtorë ku kryesorët janë prindërit.
“Prindërit kanë një rol vendimtar në edukimin e fëmijëve, sidomos për ti mësuar ata të ruajnë veten dhe privatësinë e tyre”, tha Muça për “Gazetasi.al”
Ajo shpjegon se shumë prindër, për shkak të arsimit dhe edukimit, e kanë të pamundur të jenë vigjilentë ndaj problemeve që janë shfaqur më shumë vitet e fundit.
Albana, një nënë 34 vjeç e cila punon shitëse në një biznes privat tha për Gazetasi.al se “ndoshta dhe për shkak të kohës, nuk ka mundësi të kontrollojë gjithë kohës vajzën e saj 12-vjeçare.
“Jam munduar ta kontrolloj por pjesën më të madhe të kohës vajza është me gjyshen e saj dhe nuk kam mundësi të di se çfarë bën apo nëse ka parë diçka që nuk shkon me qëndrimin e saj në internet”, tha Albana.
Psikologja Muça thotë se ajo që ka vënë re më shumë gjatë punës së saj është fakti se “ka një mungesë të theksuar të komunikimit prind-fëmijë dhe për shkak të kësaj, fëmijët nxitojnë të marrin çdo përgjigje të pyetjeve të tyre në internet”.
Ky është momenti, sipas psikologes, kur individët që e përdorin internetin si biznes fitimprurës përfitojnë dhe “futen në jetën e fëmijëve”.
“Interneti është e vërtetë që i zhvillon nga ana mendore fëmijët dhe që mund të gjejnë informacione aty por kjo nuk do të thotë që ata janë të përgjegjshëm për veprimet e tyre. Përgjegjësia është prindërore, edhe pse fëmija mund të jetë 17 vjeç”, thotë Muça.
Psikologe Adelina Pjetra thotë për “Gazetasi.al” se fajtorë për pasigurinë e fëmijëve në internet janë “një sërë faktorësh, të gjitha nga pak”.
Sot fëmijët janë shumë të zhvilluar dhe kjo duhet të shoqërohet dhe me një zhvillim të prindërve në fushën e teknologjisë, gjë që në të shumtën e rasteve, nuk ndodh në Shqipëri.
“Unë di të përdor WhatsApp-in, Instagramin deri diku por goca ime 12 vjeç di çdo gjë, si çdo i ri, në lidhje me telefonin dhe gjërat e reja që dalin nëpër telefon. Nuk kam si ta kontrolloj se nuk di, jo se nuk dua”, tha Luani, një prind 45 vjeçar që punon në një biznes privat.
Marrë nga Gazeta “Si”
1 vit nga zgjedhjet e 25 prillit si e shikoni gjendjen e vendit:
Net-qëndrimet e turistëve në njësitë akomoduese turistike në vend (hotele, njësi pushimi dhe akomodime të tjera për qëndrim të shkurtër; kampingje, parqe rekrea...
Sistemi bankar rezultoi me një fitim prej 16.8 miliardë lekësh (136 milionë euro) në vitin 2020, sipas statistikave të Bankës së Shqipërisë, që i raporton të dh...
TIRANË-Nga viti 2015 deri në vitin 2019, numri i automjeteve për banorë në shkallë vendi u rrit me 24% sipas të dhënave të INSTAT. Në disa qarqe të vendit,...
TIRANË– Në fund të vitit 2020, jashtë sistemit bankar qarkullonin 344 miliardë lekë (2.8 miliardë euro), sipas statistikave të publikuara nga Banka e...
Nënshkrimi i një marrëveshje nga qeveria shqiptare me atë amerikane fundvitin e shkuar për ndërtimin e hidrocentralit të Skavicës, ka ngjallur xhelozi e pakënaq...
Fundi i 2020-ës dhe fillimi i 2021-it ishte parashikuar të sillte një bum sa i përket lindjeve të reja në mbarë botën. Por, ndryshe nga çfarë u parashiku...
TIRANË– Ambasadori gjerman në Tiranë, Peter Zingraf shprehet se Berlini qëndron në krah të Tiranës për ta ndihmuar teksa kërkon nga qeveria shqiptare...
Familjet shqiptare morën 26.5 miliardë lekë ose rreth 215 milionë euro kredi për blerje banesash gjatë vitit 2020.Të dhënat e Bankës së Shqipërisë tregojnë se k...
Niveli i kredisë me probleme në fund të muajit dhjetor arriti në 8.11%, duke shënuar një rënie të lehtë me 0.09 pikë përqindje në krahasimin me fundin e 2019-s....
TIRANË– Në dekadat e fundit jetëgjatësia në Shqipëri është rritur ndjeshëm, duke arritur nivelet më të larta rajonale, por qytetet të ndryshme të ven...