Politike

Zjarret në të gjithë Shqipërinë, 200 Forca të Armatosura angazhohen për shuarjen e flakëve

Sipas Xhaçkës, rreth 200 efektivë të FA-ve janë angazhuar në terren së bashku me zjarrfikësit për shuarjen e flakëve që kanë shkaktuar dëme të mëdha. 
Featured image of article: Zjarret në të gjithë Shqipërinë, 200 Forca të Armatosura angazhohen për shuarjen e flakëve Ministrja e Mbrojtjes, Olta Xhaçka

TIRANË– Forcat e Armatosura janë angazhuar për fikjen e zjarreve që kanë përfshirë disa zona të Shqipërisë. Ministrja e Mbrojtjes Olta Xhaçka njofton se janë rreth 200 djem e vajza që po marrin pjesë në këtë aksion.

Sipas Xhaçkës, rreth 200 efektivë të FA-ve janë angazhuar në terren së bashku me zjarrfikësit për shuarjen e flakëve që kanë shkaktuar dëme të mëdha.

 “Zjarret masive që kanë goditur pyjet e kullotat ditët e fundit kanë marrë përgjigjen tonë të menjëhershme. 200 djem e vajza të Forcës së Armatosur të angazhuar në Seman, Shkodër, Lezhë etj po japin maksimumin për të garantuar sigurinë e qytetarëve dhe mbrojtjen e pasurisë kombëtare. Dhe do të vazhdojnë ta bëjnë këtë me çdo mundësi, çdo burim, aset e mjet që kemi. Por kjo nuk mund të jetë vetëm beteja e FA! Kjo duhet të jetë beteja e të gjithëve ne, e çdo qytetari, e mbi të gjitha e çdo strukture të pushtetit vendor që ligji e ngarkon me përgjegjësi për të siguruar jetën dhe pronën e qytetarëve shqiptarë”, shkruan Xhaçka.

Për më shumë bëhu pjesë e grupit më viral në Facebook, Dosja.al

LAJMI KRYESOR: Flakët vijojnë të ‘përpijnë’ prej ditësh kurorat e gjelbra të Shqipërisë, ende asnjë ndihmë nga ajri. Braçe “gjen” fajtorët

(k.m./dosja.al)

Një Koment në “Zjarret në të gjithë Shqipërinë, 200 Forca të Armatosura angazhohen për shuarjen e flakëve

  1. Cne se keni cu ushtrin me pastru plehrat neper plazhe ..ah po dhe neper qytete se ushtria ne koh paqe per te pastru plehrat duhet …a aaa ku ka perfundu ky komb nga cilet injorat qeveriset.

Shto Koment