Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Politike
ZYRTARE/ Lulzim Basha konfirmohet në krye të Partisë Demokratike, kërkon bashkim me rivalët, Kadilli pranon humbjen: Pati g
14 Qershor 2021, 05:12Nga DOSJA
TIRANË– Me 32882 vota ose 81%, Lulzim Basha është rikonfirmuar kryetar i Partisë Demokratike pas zgjedhjeve të së dielës. Jemin Gjana, në një deklaratë për mediat tha se Basha fitoi bindshëm 32 mijë e 882 vota nga anëtarët e Partisë Demokratike.
Shifrat zyrtare të publikuara nga PD, tregojnë një fitore të thellë të kryetarit aktual Basha. Sipas të dhënave, 54.5% e demokratëve morën pjesë në votime, duke hedhur 40.674 vota të vlefshme për numrin një të PD-së. 81% e votuesëve zgjodhën që Basha të jetë sërish lideri i demokratëve, i ndjekur nga Agron Shehaj, i cili ka marrë 6.038 vota, ose ndryshe 14.8% të votave.
Dy kandidatët e tjerë, Edit Harxhi ka marrë 991 vota ose 2.4%, ndërsa i fundit është renditur Fatbardh Kadilli me 763 ose 1.8%. Kandidati Fatbardh Kadilli, i renditur i fundit me 763 vota në zgjedhje, doli sot në një konferencëpër mediat ku pranoi rezultatin por denoncoi mungesën e standarteve. Sipas Kadillit, Basha përdori asetet e partisë për tu rizgjedhur kryetar partie.
Agron Shehaj ka falenderuar të gjithë demokratët që e kanë votuar dhe ka lajmëruar daljen përpara gazetarëve mbrëmjen e sotme. Shehaj do të jetë në studion e “Opinion”, në orën 22:00. Ndërsa kryedemokrati ka lajmëruar një konferencë për mediat në orën 18:45. Në një status në profilin e tij në Facebook, Basha ka falenderuar të gjithë demokratët që e kanë votuar dhe e kanë mbështetur.
E fundit, ka reaguar Harxhi, e cila ka deklaruar se nuk do ta lërë me kaq ‘luftën’ e saj. Në një postim në profilin e saj në Facebook, Harxhi bën me dije se do të kthehet shumë shpejt me fakte që lidhen me atë që ka ndodhur gjatë gjithë procesit të zgjeve në Partinë Demokratike. Harxhi paralajmëron një tur në vend, teksa shkruan se nuk do t’i ndalë takimetm e qytetarët shqiptarë dhe premton se Partisë Demokratike do t’i kthejë vlerat, dinjitetin, forcën dhe rëndësinë e humbur.
Vetë Basha ka kërkuar bashkimin me tre rivalët që e sfiduan në zgjedhjet brenda Partisë Demokratike. Në një deklaratë për mediat, pas konfirmimit të tij për herë të tretë si kryetar i Partisë Demokratike, Basha tha se ai, Fatbardh Kadilli, Edith Harxhi dhe Agron Shehaj kanë mendime të ndryshme por, parime të njëjtakur bëhet fjalë për selinë blu. Kryedemokrati shtoi më tej se përtej diferencave, ai kërkon që nga sot energjitë dhe përpjekjet e të gjithë demokratëve të shkojnë në drejtim të kundërshtarit të vetëm të Partisë Demokratike, dhe të shumicës dërrmuese të shqiptarëve, regjimit Rama-Doshi, dhe jo në drejtim të njëri-tjetrit.
REZULTATET PARAPRAKE:
Kanë votuar: 41100
Në përqindje: 54.7%
Vota të vlefshme: 40674
Lulzim Basha: 32882 ose 81%
Agron Shehaj: 6038
Edith Harxhi: 991
Fatbardh Kadilli: 763
Si shkoi dje procesi zgjedhor në PD?
Rivalët e Bashës denoncuan gjatë gjithë ditës së djeshme parregullsi në proces. Fillimisht ishte Agron Shehaj i cili bëri të ditur se në disa zona vëzhguesit e tij nuk ishin pranuar nëpër qendrat e votimit. Më vonë gjatë ditës dhe Edit Harxhi ngriti shqetësime për tkurrje të listës së anëtarëve të Partisë, për raste votimi familjar, apo fotografimi të votës, duke pretenduar parregullsi të shumta. Por, Kryetari i Komisionit të zgjedhjeve në PD, Jemin Gjana, gjatë deklaratave të shkurtra për gazetarët bëri me dije se i gjithë procesi kaloi në normalitet, me probleme të cilat kanë gjetur sipas tij gjetën zgjidhje. Sali Berisha, lideri historik i PD-së nuk mungoi në procesin e votimi. Pasi hodhi votën e tij, në një deklaratë për mediat, u ka qëndruar fjalëve të tij për mundësinë e kthimit në PD.
(a.b;f.g;f.m/dosja.al)
Iftar dhe politikë, a u prek Muaji i Ramazanit nga politikanët?
DEVOLL– Arben Miza, kryetari i degës së Partisë Demokratike në Devoll nuk ka votuar spt. Në një status në Facebook, Miza ka bërë me dije se ka zgjedhur të bojko...
TIRANË– Një nga demokratët që ka votuar sot ka kërkuar kthimin e ish-kryeministrit Sali Berisha. Në fletën e tij të votimit, krah katër emrave të kat...
TIRANË– Kreu i Komisionit të Zgjedhjeve në PD ka bërë me dije se nga 75 mijë demokratë, kanë votuar vetëm 41 mijë e 100 të till.ë Sipas rezultateve p...
TIRANË– Kryedemokrati Lulzim Basha vijon të kryesojë. Dosja.al ka siguruar një tjetër pjesë të rezultateve që vijojnë të ndryshojnë dhe shihet se Bas...
TIRANË– Kreu i Komisionit të Zgjedhjeve Jemin Gjana ka deklaruar se rezultati zyrtar i zgjedhjeve do të dalë vetëm nesër paradite. Ndërkohë që rezultatet p...
TIRANË– Kryedemokrati Lulzim Basha do tëvijojë të jetë në krye të Partisë Demokratike. Dosja.al ka siguruar rezultatet e numërimit të votave, pas mbylljes ...
VLORË– Kryetari aktual i Partisë Demokratike ka kryesuar edhe në Vlorë. Me një rezultat të ngushtë, Basha ia ka marrë Agron Shehajt për 41 vota. Fatb...
SHQIPËRI– Kryetari aktual i Partisë Demokratike Lulzim Basha ka kryesuar në të gjitha zonat në vend. Dosja.al ju sjell rezultatët e dëgve të para ku ...