Bota

Zgjedhjet e parakoshme në Maqedoninë e Veriut/ Reagimi i Tiranës zyrtare, inkurajon një koalicion mes Ali Ahmetit dhe Zaev

Sa i përket kësaj çështje edhe Kryeministri i Shqipërisë, Edi Rama ka inkurajuar një koalicion ndërmjet Ali Ahmetit dhe LSDM-së.
Featured image of article: Zgjedhjet e parakoshme në Maqedoninë e Veriut/ Reagimi i Tiranës zyrtare, inkurajon një koalicion mes Ali Ahmetit dhe Zaev Ali Ahmeti dhe Kryeministri Edi Rama.

MAQEDONI E VERIUT– Zgjedhjet e parakohshme në Maqedoninë e Veriut kanë qenë një temë delikate edhe për shqiptarët.  Kjo pasi partia e shqiptarëve  në Maqedoni “luftoi” për të pasur një kryeministër shqiptar atje.

Megjithatë pavarësisht fitores si parti e parë, Zaev nuk qeveris dot pa votat e shqiptarëve në Maqedoninë e Veriut.

Ndërkohë sa i përket kësaj çështje edhe Kryeministri i Shqipërisë, Edi Rama ka inkurajuar një koalicion ndërmjet Ali Ahmetit dhe LSDM-së.

Ky lajm është bërë me dije nga BDI-ja për mes një postimi në Facebook, ku kreu i kësaj partie Ali Ahmeti ka pritur në zyrën e tij, ambasadorin e Shqipërisë në Shkup, Fatos Reka i cili i ka përcjellë kreut të partisë shqiptare me më shumë deputetë në Parlamentin e Maqedonisë së Veriut, urimet e kryeministrit Rama për fitoren.

Për më shumë bëhu pjesë e grupit më viral në Facebook, Dosja.al
Ali Ahmeti dhe Fatos Reka

Theksojmë se ky takim mes Rekës dhe Ahmetit u zhvillua 3 ditë më parë ku vetë Ahmeti publikoi letrën e dërguar nga Rama me rastin rezultatin të zgjedhjeve parlamentare.

“Ambasadori Reka përcolli uratat e kryeministrit të Republikës së Shqipërisë, z. Edi Rama, drejtuar kryetarit Ahmeti për fitoren e zgjedhjeve të parakohshme parlamentare të 15 korrikut. Z. Ahmeti ka njoftuar ambasadorin Reka për ecurinë e zhvillimeve paszgjedhore me ç’rast ka theksuar nevojën për konsolidim të shpejtë të institucioneve të dalura nga zgjedhjet dhe respektimin e votës dhe vullnetit të qytetarëve”, thuhet në njoftimin e BDI-së.

 A.C/Dosja.al

Shto Koment