Politike

Zgjedhjet e 30 qershorit/ PD ankimon vendimin e Prokurorisë së Lezhës: Ende nuk është hetuar, po mbrohen paligjshmëritë e pushtetit lokal

Sekretarja e PD-së në Lezhë, Alfrida Marku tha se PD e Lezhës beson se Gjykata dhe Prokuroria, si dy institucione në themel të sistemit te drejtësisë, duhet të veprojnë të pavarura dhe të pandikuara nga çdo ndikim i padrejtë apo  i paligjshëm.
Featured image of article: Zgjedhjet e 30 qershorit/ PD ankimon vendimin e Prokurorisë së Lezhës: Ende nuk është hetuar, po mbrohen paligjshmëritë e pushtetit lokal Alfrida Marku

LEZHË– Partia Demokratike dorëzoi sot ankimin kundër vendimit të Prokurorisë së Rrethit Gjyqësor Lezhë, me pretendimin se institucioni po mbron paligjshmërinë e votimeve të 30 Qershorit të vitit 2019 për pushtetin lokal.

Sekretarja e PD-së në Lezhë, Alfrida Marku tha se PD e Lezhës beson se Gjykata dhe Prokuroria, si dy institucione në themel të sistemit te drejtësisë, duhet të veprojnë të pavarura dhe të pandikuara nga çdo ndikim i padrejtë apo  i paligjshëm.

Për më shumë bëhu pjesë e grupit më viral në Facebook, Dosja.al

“Pas pothuajse 1 viti Prokuroria e Rrethit Gjyqësor Lezhë, nuk ka pasur vullnetin të hetojë shkeljet e 30 Qershorit, nuk ka marrë apo analizuar asnjë provë, nuk janë sekuestruar materialet zgjedhore të QV të referuara në pjesën arsyetuese të kallëzimit.As PD Lezhë si kallezues nuk është thirrur për të deklaruar mbi pretendimet e saj, dhe në tejkalim të afateve proçedurale është vendosur mosfillimi i proçedimit penal. Në ankimin e depozituar sot, ne kemi kërkuar nga Gjykata e Rrethit Gjyqësor Lezhë: 1. shfuqizimin e vendimit që mban datën 11.8.2019 të Prokurorisë “Për mosfillimin e proçedimit penal”, për të cilin jemi njoftuar rreth një vit më vonë më 18.06.2020, si dhe 2. detyrimin e prokurorisë për të regjistruar proçedimin penal dhe kryer një proçes hetimor të plotë dhe të gjithanshëm. Ne besojme se Gjykata dhe Prokuroria, si dy institucione në themel të sistemit te drejtësisë, duhet dhe do të veprojnë të pavarura dhe të pandikuara nga çdo ndikim i padrejtë apo i paligjshëm.”

(k.m/dosja.al)

Shto Koment