Rajoni

Zëdhënësja e qeverisë ruse: Mbështesim çfarëdo marrëveshje në interes të popullit serb

Zëdhënësja e Ministrisë së Jashtme të Rusisë, Maria Zaharova është shprehur se do të mbështesë çdo marrëveshje që do të arrihet në interes të qytetarëve serbë.
Featured image of article: Zëdhënësja e qeverisë ruse: Mbështesim çfarëdo marrëveshje në interes të popullit serb Zëdhënësja e Ministrisë së Jashtme të Rusisë, Maria Zaharova

SERBI– Zëdhënësja e Ministrisë së Jashtme të Rusisë, Maria Zaharova është shprehur se pozicionimi i Rusisë krah Serbisë lidhur me çështjen e Kosovës mbetet i pandryshuar.

Sipas saj, Rusia do të mbështesë çdo marrëveshje që do të arrihet dhe që është në interes të qytetarëve serbë po ashtu dhe që është në përputhje të plotë me ligjet e Serbisë.

“Qëndrimi ynë është i pandryshuar. Përfundimi logjik është shumë i thjeshtë, zgjidhja e kësaj çështje duhet t’i përshtatet interesit të popullit serb. Marrëveshja duhet të jetë e bazuar në ligjin ndërkombëtar dhe në një linjë me ligjet e brendshme të Serbisë”, ka thënë Zaharova.

Për më shumë bëhu pjesë e grupit më viral në Facebook, Dosja.al

Korrigjimi i kufijve mes Kosovës dhe Serbisë është një propozim i hedhur nga presidenti i Kosovës, Hashim Thaçi që prej muajit korrik 2018. Sipas Thaçit, korrigjimi i kufijve nënkupton bashkimin e luginës së Preshevës, një rajon me shumicë shqiptare në jug të Serbisë, me Kosovën. Përveç luginës së Preshevës, Thaçi thotë se do bashkohen edhe Medvegja dhe Bujanovci me territorin e Kosovës, por nga drafti i propozuar, duket se Kosova ka shumë për të humbur. Gjermania është një nga vendet që ka dalë kundër kësaj marrëveshjeje ndërkohë që SHBA dhe BE, nuk janë pozicionuar në një qëndrim zyrtar nëse janë pro ose kundër. Zyrtarët janë mjaftuar me deklaratat pro një marrëveshjeje mes dy vendeve, pa e specifikuar nëse do e pranojnë një ndryshim të kufijve Kosovë-Serbi.

(k.m./dosja.al)

Shto Koment