Aktualitet

Zbulohen detaje të reja, ende mister fati i turkut pas gjetjes së jahtit të braktisur në Shëngjin

Nga të dhënat e regjistruara për jahtin ATIK BEY, rezulton se regjistrimi i fundit është bërë në datën 2 shtator, në Budva të Malit të Zi, ndërkohë ky është pozicioni i jahtit, i po asaj date, në orën 17:41 minuta.

LEZHË- Ende vazhdon të jetë mister se kush po e drejtonte jahtin e gjendur tre ditë më parë në brigjet e Adriatikut, 12 milje larg Shëngjinit. Nga kontrolli që policia kufitare ushtroi në jaht, gjeti dokumentet e një shtetasi turk i quajtur, Sevgin Yavuz, për të cilin policia dyshon se mund të jetë pronari i mjetit lundrues.

Jahti ishte pikasur nga rojet bregdetare, ndërkaq forcat e policisë kanë nisur hetimet për të gjetur shtetasin turk. Top Channel është përpjekur të hedhë më shumë dritë mbi këtë ngjarje.

Nga të dhënat e regjistruara për jahtin ATIK BEY, rezulton se regjistrimi i fundit është bërë në datën 2 shtator, në Budva të Malit të Zi, ndërkohë ky është pozicioni i jahtit, i po asaj date, në orën 17:41 minuta.

Po ashtu është bërë me dije se Sevgin Yavuz ka dalë i vetëm me jaht nga porti i Tivarit.

Po i njëjti jaht, rezulton që javën e fundit të gushtit, të ketë lundruar në ujërat e Kroacisë. Këto janë destinacionet e regjistruara nga Vessel Finder, rrjeti që merret me monitorimin e mjeteve lundruese.

Për më shumë bëhu pjesë e grupit më viral në Facebook, Dosja.al

Top Channel ka mësuar se jahti me emrin ATIK BEY, i modelit Foundain Pajot, Saona 47, rezulton në fotot e një kompanie turke e quajtur Tur-Marin, e cila e ka shitur vitin e kaluar  tek një biznesmen i njohur turk, emri i të cilit nuk bëhet i ditur nga kompania.

Po me të njëjtin jaht ,është postuar një video nga kompania Tur Marin në datën 2 qershor, e specifikuar që jahti është ATIK BEY, që tashmë ndodhet i ankoruar në portin e Shëngjinit.

Hetimet për këtë çështje, po kryhen nga policia turke dhe ajo shqiptare në bashkëpunim me Interpol Tirana. Drejtimin e hetimeve e ka në dorë prokuroria e Lezhës, ndërsa pritet përgjigje edhe nga autoritetet e Ankarasë, pas sinjalizimit për humbjen e shtetasit turk.

(Marrë nga Top Channel)

Shto Koment