Aktualitet

Zbardhja e vrasjes së Regis Runajt në Elbasan, Balla përshëndet operacionin e policisë: Goditje e fortë ndaj krimit, qytetarët e prisnin me padurim

Deputeti socialist, Taulant Balla ka përshëndetur operacionin për arrestimin e autorëve të vrasjes së Regis Runajt në Elbasan. Duke e quajtur një goditje të rëndë ndaj krimit, Balla shton, se qytetarët e Elbasanit e prisnin me padurim zbardhjen e ngjarjes.
Featured image of article: Zbardhja e vrasjes së Regis Runajt në Elbasan, Balla përshëndet operacionin e policisë: Goditje e fortë ndaj krimit, qytetarët e prisnin me padurim Taulant Balla

TIRANË-Deputeti socialist Taulantg Balla, ka reaguar në lidhje me zbardhjen e vrasjes së Regis Runaj, pak javë më parë në Elbasan. Në një postim në Facebook, Balla ka përgëzuar punën e policisë, duke e cilësuar aksionin një goditje të fortë ndaj krimit.

Sipas tij, hetimi duhej kryer me shpejtësi, pasi edhe qytetarët e Elbasanit prisnin zbardhjen e ngjarjes.

Reagimi i plotë

Përshëndes punën e Policisë së Shtetit dhe Prokurorisë Elbasan për zbulimin dhe vendosjen në pranga të autorëve të disa ngjarjeve kriminale. Puna e kryer me profesionalizëm nga strukturat hetimore të Drejtorisë Vendore të Policisë Elbasan dhe Departamenti i Policisë Krimnale në Drejtorinë e Përgjithshme të Policisë së Shtetit, nën drejtimin aktiv të Prokurorisë së Rrethit Gjyqësor Elbasan ishte një goditje e fortë ndaj krimit.

Për më shumë bëhu pjesë e grupit më viral në Facebook, Dosja.al

Ky hetim i plotë dhe profesional ishte një detyrë që duhej kryer me shpejtësi, sikurse me padurim ishte pritshmëria e qytetarëve të Elbasanit për goditjen e fortë të krimit në këtë qytet, pas disa ngjarjeve kriminale tronditëse. E nxisim Policinë e Shtetit dhe Prokurorinë Elbasan të forcojnë luftën kundër krimit👊 Rezultatet e ditës së sotme, pas një pune të pandërprerë 10 ditore, janë premisa për rezultate të tjera pozitive.

Ditën e sotme policia njoftoi arrestimin e Xhulion Hoxhës dhe Euglen Halilit, si autorët kryesorë të vrasjes së Regis Runajt në varrezat e qytetit pak javë më parë. Pasi konsumuan lëndë narkotike së bashku, dy autorët dyshohet se e qëlluan Runajn 27 herë. Gjithashtu të arrestuarit kanë marrë pjesë edhe në ekzekutimin e Emiljano Ramazanit.

(g.sh./dosja.al) 

Shto Koment