Politike

ZBARDHET programi qeverisës i PS-së për mandatin e 3-të, parashikohet rritje pagash e pensionesh, rindërtimi e vaksinimi marrin fund në 2022-n, 5 projektet thelbësore

  • Çfarë “harroi” Rama që të përfshinte në programin e qeverisjes?
  • Shkon në 850 mijë lekë paga në administratë, rritje edhe për mësuesit dhe stafit mjekësor
  • Programi i qeverisë fokusohet tek ‘Ballkani i Hapur’: Do e çojmë përpara nismë
  • Sot, në faqen zyrtare të Partisë Socialiste u publikua programi qeverisës që nesër do të prezantohet në Kuvend para të gjithë deputetëve.
    Featured image of article: ZBARDHET programi qeverisës i PS-së për mandatin e 3-të, parashikohet rritje pagash e pensionesh, rindërtimi e vaksinimi marrin fund në 2022-n, 5 projektet thelbësore Edi Rama

    TIRANË“Qeverisja nuk është zanat por mandat i deleguar nga populli për ta ngjitur vendin më lart në shkallën e zhvillimit,“-kështu nis programi 42 faqësh me premtimet që kryeministri Edi Rama kërkoi votën e shqiptarëve më 25 prill. Sot, në faqen zyrtare të Partisë Socialiste u publikua programi qeverisës që nesër do të prezantohet në Kuvend para të gjithë deputetëve.

    I gjithë programi është i mbështetur në 5 shtylla kryesore: 1. Rimëkëmbje e ekonomisë nga tërmeti dhe pandemia; 2. Mirëqenie për të gjithë, që do të përkthehet në një ekonomi të zhvilluar që krijon shanse për të gjithë; 3. Modernizim për zhvillim të ekonomisë prodhuese, turizmit, energjisë, bujqësisë, ekonomisë digjitale, transporteve dhe shërbimeve; 4. Familja si themeli ku ndërtojmë të ardhmen dhe 5. Shqipëri e fortë, me shtet të fortë, vëmendje për çdo Shqiptar dhe me dinjitet në botë.

     

    TËRMETI&COVID

    Edhe pse kishte premtuar se gjithçka do të mbyllej brenda vitit 2020, Qeveria ka shtyrë afatin për përfundimin e rindërtimit. Në fund të pranverës së vitit 2022 të kenë përfunduar 4500 banesa të reja individuale; 12 mijë apartamente në lagjet e reja; shkolla të reja etj. Edhe pse krizën tjetër, atë të pandemisë duket se do të ketë disa objektiva, ku renditet më prioritarja, vaksinimi i grupmoshës 16-60-vjeçare deri në shkurt 2022.

    EKONOMIA

    Pikat konsiderohen si “shënjestra”. Për 4 vitet e ardhshme, qeveria garanton rritje ekonomike do të jetë mesatarisht 4.5 % në vit dhe do të mbështesë një rritje edhe më të madhe të pagave në nivel vendi; konsolidim i përshpejtuar fiskal duke synuar borxh nën 60%; rrisim të ardhurat e disponueshme me 20%; rrisim pagën mesatare mujore bruto me 25% dhe pagat e administratës, të gjitha deri në fund të mandatit.

    PAGAT dhe PENSIONET

    Për 4 vitet e ardhshme do të rritet dyshemejapër pagat e pa-tatueshme nga 30 mijë në 40 mijë lekë në muaj. Me këtë masë, 435 mijë të punësuar, ose 63.8% e totalit të të punësuarve, paguajnë zero taksë. Më pas tatimi 23% do të fillojë të aplikohet në pagat mbi 200 mijë lekë, më pas nga 1 janari 2023, rimbursimi i TVSH-së për bizneset do të jetë automatik. Duke filluar nga Korriku 2022, do të rriten edhe pagat e administratës duke nisur nga mësuesit deri tek ato të nëpunësve publikë. Socialistët premtojnë se do të rrisin pagat e mësuesve, mjekëve dhe infermierëve me 40% deri në fund të mandatit të tretë; pagat e punonjësve të administratës publike do rriten me 30%, ndërsa ato të administrata do të rritet me nga 72 mijë lekë/muaj në 85 mijë lekë/muaj deri në fund të mandatit të tretë. Sa i përket pensioneve, çdo vit do të respektohet tradita e bonusit, që çdo vit do të rritet mbi 5% për çdo pensionist.

    TRANSPORTI AJROR, RRUGOR, HEKURUDHOR DHE DETAR+ ENERGJIA

    Për më shumë bëhu pjesë e grupit më viral në Facebook, Dosja.al

    Më marrjen e mandatit të tretë do të nisin punimet për ndërtimin e aeroportit ndërkombëtar të Vlorës, i cili do të nisë funksionimin deri më 2024. Por nuk do të jetë i vetmi, pasi brenda vitit do të nënshkruhet kontrata edhe për aeroportin e Sarandës. Edhe pse ka nisur puna prej vitesh, rruga e Arbërit do të mbyllë punimet brenda vitit, ndërsa aksi Kardhiq-Delvinë do të përfundojë tërësisht në pranverën e vitit të ardhshëm (Maj 2022). Po ashtu brenda vitit do të nisë puna për hekurudhën Tiranë-Rinas-Durrës, ndërsa në Janar 2022 fokusi do të kalojë tek kthimi i portit të Durrësit në një marinë jahtesh. Marrëveshja me Amerikën për HEC-in e Skavicës pritet që të nisë në vitin 2022, ndërsa brenda qershorit 2022 nënshkruajmë kontratën për fillimin e punimeve për TEC-in e Vlorës. Në pranverën e vitit 2022 do të nisin punimet për ndërtimin e Parkut Fotovoltaik të Karavastasë prej 140 MË, më i madhi në Ballkan, por nuk thuhet asgjë për atë të Spitallës.

    FAMILJA 

    Të gjitha familjeve të reja do t’u ofrohen 1 milion lekë mbështetje për pagesën fillestare dhe zbutjen e interesit për blerjen e shtëpisë. Për të gjithë çiftet, do të ofrohet falas paketa e fertelitetit, por duke filluar nga viti që vjen. Qeveria do të ofrojë 10 mijë lekë /muaj për shpenzimet e çerdhes/kopshtit për familjet me të ardhura deri në 100 mijë lekë/muaj. Gjithashtu për të gjithë fëmijët e moshës 6-15 vjeç do të ketë ofrohet kujdes oral dhe për sytë, e gjitha falas.

    INTEGRIMI DHE MARRËDHËNIA ME KOSOVËN

    Qeveria Rama është e angazhuar që të mos bëjë hapa pas për nismën e Open Ballkan, ku thkesohet se do të zbatohen të gjitha marrëveshjet e arritura më 29 korrik, por në të njëjtën kohë Shqipëria angazhohet edhe për çështjen e Kosovës. Brenda këtij vitit do të mbahet takimi i përvitshëm i qeverive Shqipëri-Kosovë. Ndërsa për integrimin, Rama zotohet se do të mbajë konferencës së parë Ndërqeveritare për integrimin në BE dhe ndjekje e rekomandimeve për çdo etapë. 

    DREJTËSIA+PRONAT

    Përgjatë 4 viteve të ardhshme pritet edhe njëherë rritja e numrit tëmagjistratëve në Shkollën e Magjistraturës. Po ashtu pritet që të hetohet Kodi i ri Penal për të goditur kriminalitetin dhe pandëshkuesshmërinë. Premtohet se asnjë banesë shqiptare që mund të legalizohet, nuk do të ketë mbetur pa u legalizuar. Po ashtu se do të përfundojë procesin e regjistrimit fillestar të pasurive në të gjithë zonat kadastrale të bregdetit. Brenda 4 viteve të ardhshme do të dixhitalizohet edhe kadastrën.

    KULTURA

    Qeveria do të ndërtojë parkun e artit, një hapësire social-kulturore në zonën e
    ish-Kinostudios “Shqipëria e Re”. Po ashtu, do të fillojnë punimet për ndërtimin e Muzeut Hebraik Shqiptar në Vlorë, ndërsa do të punohet edhe me Amfiteatrin e Durrësit. 

    Në fund, Rama e mbyll me shprehjen e Gëtes: Qeverisja më e mirë është ajo që na orienton të udhëheqim vetveten. Megjithatë për të udhëhequr, duhet që nesër të marrë edhe kartona jeshil nga Kuvendi. Nesër janë parashikuar 4 orë fjalim, ku ai pritet të analizojë sektor më sektor prioritetet e qeverisë së tij për 4 vitet e ardhshme. Po ashtu në orën 13:00 është parashikuar që kreu i qeverisë t’u përgjigjet pyetjeve të deputetëve deri në orën 16:00.

    (k.m.a.b/dosja.al)

    • 17:27

      Rama planifikon ashpërsim të Kodit Penal dhe atij Rrugor: S’ka mjete policie që u mbaron karburanti në ndjekje të keqbërësëve, shkatërruam 30 grupe kriminale, na pret një e ardhme pa banda

      ‘Shqipëria e sigurtë”, kështu titullohet pjesa e programit të qeverisë “Rama 3” që ka në përbërje të saj nisma në lidhje me sigurinë në vend. Në programin që pritet të prezantohet nesër në Kuvend, shkruhet se tashmë nuk ka më mjete policie që u mbaron karburanti në ndjekje të keqbërësit, si dhe me efektivë të mirë-kualifikuar dhe me arsim të lartë. Kryeministri Edi Rama thekson në program se është planifikuar ashpërsimi i kodit Penal dhe atij Rrugor, por nuk bëhen me dije detaje të tjera.

      Ndër të tjera shkruhet se Policia e Shtetit është ajo që në dy vitet e fundit ka shkatërruar 30 grupe të krimit të organizuar dhe që ka vendosur në pranga 103 anëtarë të këtyre grupeve. Gjithashtu, nga më pak se një milionë euro asete kriminale të konfiskuara në 2013, sot janë hequr nga duart e krimit dhjetëra miliona euro në vit.

      PJESË NGA PROGRAMI: SHQIPËRIA E SIGURTË

      Ajo që trashëguam ishte një Polici, e cila arrinte të mbulonte vetëm 55% të territorit. Ajo që trashëguam ishte një Polici, e cila arrinte të mbulonte vetëm 55% të territorit. Një polici me 70% të mjeteve të amortizuara dhe shumicën dërrmuese të efektivëve jashtë normave fizike dhe pa arsim të lartë. Trashëguam një Polici që ishte një armë e korruptuar, e vjetruar, një polici që i përkiste vetëm burrave, klaneve dhe që më shumë se sa të luftonte krimin, flirtonte me të. Për të gjitha këto arsye, Policia e Shtetit ishte institucioni më i përbuzur, më pak i vlerësuar nga shqiptarët në të gjithë sonda- zhet e kryera. Në harkun e pak viteve, Policia e Shtetit është shndërruar në institucionin që gëzon besimin më të lartë të publikut. Çfarë ka ndodhur? Sot, Policia e Shtetit kontrollon 100% të territorit, nga Tirana deri në fshatin më të largët. Sot, Policia e Shtetit është një armë moderne, me një flotë automjetesh plotësisht moderne, të cilave nuk u mbaron karburanti në ndjekje të keqbërësit, si dhe me efektivë të mirë-kualifikuar dhe me arsim të lartë. Rrjedhimisht, Shqipëria regjistron 2.5 herë më pak vrasje në vit. Janë përsëri shumë, por shumë më pak nga më përpara. Shqipëria sot regjistron dy herë më pak aksidente fatale. Janë përsëri shumë për Shqipërinë që Duam, por shumë më pak nga më parë. Shqipëria regjistron shumë më pak plagosje, grabitje me pasojë vdekjen, vjedhje të banesave, vjedhje të automjeteve, përdhunime apo krime në familje. Janë përsëri shumë për Shqipërinë që Duam, por ndryshimi është epokal.

      Policia e Shtetit është ajo që në dy vitet e fundit ka shkatërruar 30 grupe të krimit të organizuar dhe që ka vendosur në pranga 103 anëtarë të këtyre grupeve. Që gjithashtu, nga më pak se një milionë euro asete kriminale të konfiskuara në 2013, sot heq nga duart e krimit dhjetëra miliona euro në vit. Në 2025-n, me përfundimin e Vetingut në Policinë e Shtetit, objektivi ynë madhor është ai i një Shqipërie pa grupe kriminale, pa të fortë dhe banditë, një vend që për nga siguria, të renditet në mesataren e shteteve të BE-së. Ashpërsojmë betejën në luftën kundër krimit në përgjithësi dhe krimit të organizuar në veçanti, në helmin dhe ndjekjen e aseteve dhe pasurive të paligjshme të lidhura me krimin, duke rritur kapacitetet e strukturave dhe duke filluar punën brenda shtatorit 2021 për miratimin e Kodit të ri Penal. Sigurojmë kontrollin e plotë të territorit, veçanërisht ndaj ndërtimeve pa leje nëpërmjet përdorimit të teknologjisë dhe investimeve të konsiderueshme në sistemet inteligjente bashkëkohore për monitorimin e veprimtarive të kundraligjshme e për sinjalizimin e rrezikut. Hartojmë ligjin që siguron dhe zgjeron aksesin e Policisë së Shtetit në regjistrat e llogarive bankare, në regjistrin e pronarëve përfitues, të pasurive të paluajtshme, noterëve, transaksioneve të dyshimta, si dhe në databazat e tatimeve dhe doganave.

      Rrisim sigurinë rrugore duke filluar punën për ndryshimet në kodin rrugor dhe për rritjen e investimev në sistemet e monitorimit të trafikut dhe digjitalizimin e proceseve që kanë të bëjnë me përdoruesit e automjeteve dhe sjelljen e tyre. Qeverisja më e mirë është ajo që na orienton të udhëheqim vetveten, thotë Gëtja.

    • 17:13

      PROGRAMI për DREJTËSINË: Në vitin 2030 Shqipëria do të jetë totalisht e shkëputur nga pandëshkueshmëria që trashëguam

      Drejtësia nuk kishte si të bënte përjashtim në programin e qeverisë së Rama 3. Në program theksohet se Reforma në Drejtësi është ende një luftë për t’u fituar dhe betejat tona për suksesin e saj, për Shqipërinë e së Drejtës, do të vijojnë si garancia për të ardhmen, për Shqipërinë 2030. Ndër të tjera garantohet se reforma e re do të sjellë një system totalisht të ri të shkëputur nga padrejtësia e pandëshkueshmëria që trashëguam.

    • 17:10

      Cilat janë “objektivat” e Ramës për ENERGJINË, programi: Bursa do bëhet operacionale nga shkurti 2022

      Foto ilustruese

      Shpalosen premtimet e qeverisë Rama 3 për 4 vitet e ardhshme, ku synimi është që Bursa e Energjisë të bëhet operacionale në shkurt të vitit 2022. Brenda marsit të vitit 2022 do të nënshkruhet kontrata për projektimin dhe ndërtimin e Hidrocentralit të Skavicës, ndërsa po ashtu në mars nis puna për ndërtimin e parkut Fotovoltaik të Karavastasë. Por ndryshe nga Karavastaja, asnjë fjalë nuk është dhënë për atë të Spitallës, ankandi për të cilin u mbyll që në mars. A do të ndërtohet këtë mandat?

      ENERGJIA

      Brenda marsit të vitit 2022 nënshkruajmë kontratën për projektimin dhe ndërtimin e Hidrocentralit të Skavicës, HEC-i më i madh në vend. Brenda qershorit 2022 nënshkruajmë kontratën për fillimin e punimeve për TEC Vlorë, projekt i cili përfshin konvertimin e TEC Vlorë me LNG (gaz të lëngshëm natyror), tek ndërtimi i një terminali rigazifikimi, e deri tek shpërndarja në shkallë të vogël e LNG, duke shndërruar Vlorën në një HUB rajonal. Nisim punimet për ndërtimin e Parkut Fotovoltaik të Karavastasë prej 140 Mw më i madhi në Ballkan, në pranverën e vitit të ardhshëm (Mars 22). Bursa Shqiptare e Energjisë do të bëhet krejtësisht operacionale në Shkurt të vitit 2022.

    • 16:35

      1 mln lekë mbështetje dhe zbutje interesi për blerjen e shtëpisë, ZBARDHET program i Qeverisë Rama 3 për familjen, ata që nuk bëjnë dot fëmijë, do marrin falas paketën e fertilitetit

      Qeveria “Rama 3” do të ketë në fokusin e saj edhe familjen. Në programin e publikuar sot, shkruhet se për çiftet e reja është parashikuar një mbështetje prej 1 milionë lekëshe në pagesën fillestare si dhe zbutjen e interesit për blerjen e shtëpisë. Në program thuhet se për familjet të cilat nuk përfitojnë nga paketa e familjeve të reja, do të ndërtohen 2000 mijë banesa sociale në vit, duke nisur nga viti 2022. Për prindërit që nuk bëjnë dot fëmijë nga viti 2022 do tu ofrohet falas paketa e fertilitetit. Ndërsa për familjet me të ardhura deri në 100 mijë lekë në muaj , qeveria do të ofrojë 10 mijë lekë për çdo familje që të heqin shpenzimet e çerdhes ose kopshtit çdo muaj.

      Programi për shtresat në nevojë dhe familjen:

      -Familjeve të reja do t’u ofrojmë 1 milion lekë mbështetje për pagesën fillestare dhe zbutjen e interesit për blerjen e shtëpisë.

      – Programi i banesave sociale – në bashkitë e mëdha me prurje të lartë demografike, do të ndërtohen rreth 2000 mijë banesa në vit për familjet të cilat nuk përfitojnë nga paketa e familjeve të reja, përmes një instrumenti të posaçëm të garancisë sovrane nga qeveria. Programi nis brenda vitit 2022 me një fond 100 milionë euro të Bankës Europiane të Investimeve.

      – Rrisim numrin e grave kryefamiljare, personave me aftësi të kufizuara, jetimëve dhe komunitetet rom e egjiptian si përfitues prioritarë të programit social për strehimin.

      -Prindërve që nuk bëjnë dot fëmijë, nga viti 2022 do tu ofrohet falas paketa e fertilitetit.

      -Për familjet me të ardhura deri në 100 mijë lekë në muaj , qeveria do të ofrojë 10 mijë lekë për çdo familje që të heqin shpenzimet e çerdhes ose kopshtit çdo muaj.

      -Do të krijohen dy programe të dedikuara për kujdesin e syve dhe atë oral. Kjo paketë do të jetë falas dhe do të shërbejë për fëmijët nga 6-15 vjeç.

      -Brenda qershorit 2022 do të fillojë puna për ndërtimin e Qendrës Kombëtare për Fëmijë. Kjo qendër me sipërfaqe rreth 4500 m2, pranë liqenit artificial të Tiranës, do të jetë një pol kulturor multifunksional, dedikuar fëmijëve si pjesë e Tirana Park Extention.

    • 15:39

      Programi ‘Rama 3’/ Shkon në 850 mijë lekë paga në administratë, rriten rrogat e mësuesve, mjekëve e infermierëve. Shtohen dhe pensionet

      Programi qeverisës i Partisë Socialiste bën të ditur se në 4 vitet e ardhshme, do të pësojnë rritje pagat e mësuesve, mjekëve, infermierëve, të punonjësve publik dhe administratës. Duke filluar nga korriku i vitit 2020 do të rriten gradualisht dhe në mënyrë të përshkallëzuar pagat për kategoritë e mësipërme.

      RRITJA E PAGAVE:

      ● Rrisim pagat e mësuesve, mjekëve dhe infermierëve me 40% deri në fund të mandat të tretë.

      ● Rrisim pagat e punonjësve të administratës publike me 30% deri në fund të mandat të tretë.

      ● Rrisim pagën mesatare në administratë, nga 72 mijë lekë/muaj në 85 mijë lekë/muaj deri në fund të mandat të tretë.

      RRITJA E PENSIONEVE:

      Politika e bonusit të pensioneve të fundvitit do të kthehet në një politikë permanente të rritjes së pensioneve, përtej indeksimit, pa rrezikuar skemën dhe reformën e arritur. Kjo politikë do të garantojë një rritje të vazhdueshme vjetore prej mbi 5% për cdo pensionist. Një tjetër pikë në program është për zgjerimin e skemës së mbulimit të familjeve dhe individëve në nevojë si dhe rritjen e aksesit ndaj punësimit duke përmirësuar lidhjen me skemat e punësimit, me shërbime të integruara për të arritur riintegrimin social të tyre në jetën shoqërore.

      ● Politika e bonusit të pensioneve të fundvitit do të kthehet në një politike permanente të rritjes së pensioneve, përtej indeksimit, pa rrezikuar skemën dhe reformën e arritur. Kjo politike do të garantoje një rritje të vazhdueshme vjetore prej mbi 5% për çdo pensionist.
      ● Zgjerojmë skemën e mbulimit të familjeve dhe individëve në nevojë si dhe risim aksesin ndaj punësimit duke përmirësuar lidhjen me skemat e punësimit, me shërbime të integruara për të arritur riintegrimin social të tyre në jetën shoqërore.
      ● Zgjerojmë mbulimin e familjeve të varfra me skemën e ndihmës ekonomike, me përparësi familjet e komunitetit rom dhe atij egjiptian, me 10% në vit.
      ● Rrisim me 10% përfshirjen e grave kryefamiljare në skemën e ndihmës ekonomike.
      ● Nëpërmjet Fondit Social, do të zgjerohet rrjeti i qendrave dhe shërbimeve të reja në territor për fëmijët, gratë dhe të moshuarit në nevojë në të gjitha bashkitë e vendit si dhe do të mbështetet krijimi i 11 ndërmarrjeve sociale me qëllim mbështetjen e grave dhe vajzave.

    • 15:34

      Integrimi i Shqipërisë në BE, programi i qeverisë fokusohet tek ‘Ballkani i Hapur’: Do e çojmë përpara nismën, pritet mbajtja e Konferencës së parë Ndërqeveritare

      Programi për integrimin

      Një nga pikat e programit të qeverisë ‘Rama 3’ është edhe integrimi i Shqipërisë në Bashkimin Europian. Në platformën zyrtare shkruhet se detyra e ryeministri Edi Rama ka Shqipërisë është që në katërvjeçarin e ardhshëm të ecë edhe më shpejt, me qëllim që qytetarët shqiptarë të shohin një datë të qartë se kur i gjithë ky proces mund të finalizohet me Shqipërinë si një vend anëtar i Bashkimit Europian, por përparësi ka edhe nisma “Ballkani i Hapur”. 

      “Çojmë përpara nismën Ballkani i Hapur – vijojmë punën për të ndjekur zbatimin e 3 marrëveshjeve të lidhura në takimin e datës 29 korrik 2021 midis Kryeministrit Rama, Kryeministrit Zaev dhe Presidentit Vuçiç, por edhe për të eksploruar mundësi të reja bashkëpunimi mes 3 vendeve pjesëmarrëse,”- shkruhet ndër të tjera në program. 

      PJESË NGA PROGRAMI:

      INTEGRIMI I SHQIPËRISË:

      Në 2014, Shqipëria mori statusin e vendit kandidat, pas përmbushjes së kushteve në 5 fusha kyçe, reforma në administratën publike, reforma në drejtësi, lufta kundër korrupsionit, lufta kundër krimit të organizuar dhe respekTImi i të drejtave themelore. Vit pas viti kemi përparuar në mënyrë të qëndrueshme në të gjithë prioritetet e vendosura nga BE. Si rezultat i këtyre arritjeve, në mars 2020 Bashkimi Europian mori vendimin për të hapur negociatat e anëtarësimit me Shqipërinë, hapi i fundit përpara integrimit me të drejta të plota.

      Detyra e Shqipërisë është që në katërvjeçarin e ardhshëm të ecë edhe më shpejt, me qëllim që qytetarët shqiptarë të shohin një datë të qartë se kur i gjithë ky proces mund të finalizohet me Shqipërinë si një vend anëtar i Bashkimit Europian.

      Mbajtja e Konferencës së parë Ndërqeveritare për integrimin në BE dhe ndjekje e rekomandimeve për çdo etapë

      Çojmë përpara nismën Ballkani i Hapur – vijojmë punën për të ndjekur zbatimin e 3 marrëveshjeve të lidhura në takimin e datës 29 korrik 2021 midis Kryeministrit Rama, Kryeministrit Zaev dhe Presidentit Vuçiç, por edhe për të eksploruar mundësi të reja bashkëpunimi mes 3 vendeve pjesëmarrëse.

      Detyra e Shqipërisë është që në katërvjeçarin e ardhshëm të ecë edhe më shpejt, me qëllim që qytetarët shqiptarë të shohin një datë të qartë se kur i gjithë ky proces mund të finalizohet me Shqipërinë si një vend anëtar i Bashkimit Europian.

      Mbajtja e Konferencës së parë Ndërqeveritare për integrimin në BE dhe ndjekje e rekomandimeve për çdo etapë

      Çojmë përpara nismën Ballkani i Hapur – vijojmë punën për të ndjekur zbatimin e 3 marrëveshjeve të lidhura në takimin e datës 29 korrik 2021 midis Kryeministrit Rama, Kryeministrit Zaev dhe Presidentit Vuçiç, por edhe për të eksploruar mundësi të reja bashkëpunimi mes 3 vendeve pjesëmarrëse.

    • 15:31

      Aeroporti i Vlorës, hekurudha Tiranë-Rinas-Durrës dhe transformimi i portit të Durrësit, pesë projektet që Rama ka programuar të finalizojë në mandatin e tretë

      Programi për projektet

      Qeveria “Rama 3” ka vendosur që të fokusohet në pesë projekte kryesore përsa i përket transportit ajror, rrurogr, hekurudhor dhe detar. Në programin e publikuar sot dhe që pritet të prezantohet nesë në Kuvedn, bëhet me dije se do të përfundohet ndërtimi i aeroportit të Vlorës, transformimi i Portit të Durrësit, hekurudha Tiranë-Rinas-Durrës, aksi Kardhiq-Delvinë dje ndërtimi i rrugës së Arbrit.

      PROJEKTET E PLANIFIKUARA SIPAS PROGRAMIT TË QEVERISË:

      Transporti AJROR, RRUGOR, HEKURUDHOR DHE DETAR

      *Nisim punimet për VIA (Vlora International Airport) brenda vitit 2021 që ky aeroport të jetë operacional më 2024.

      *Brenda vitit 2021 nënshkruajmë kontratën për ndërtimin e SIA (Saranda International Airport).

      *Përfundojmë brenda vitit 2021 punimet për ndërtimin e Rrugës së Arbrit.

      *Aksi Kardhiq-Delvinë do të përfundojë tërësisht në pranverën e vitit të ardhshëm (Maj 2022).

      *Nisim brenda vitit punimet për Hekurudhën Tiranë-Rinas-Durrës.

      *Nisim në Janar 2022 punën për transformimin e Portit aktual të Durrësit në një ge 23 hapësirë moderne të kompletuar me një marinë jahtesh, infrastrukturë turistike dhe komplekse rezidenciale që do pozicionojë Shqipërinë në hartën e turizmit elitar mesdhetar.

       

    • 15:12

      60 mld lekë për rindërtimin! Programi i Qeverisë: Në fund të pranverës 2022 do jenë finalizuar 12 mijë apartamente, 4500 shtëpi individuale dhe 160 çerdhe, kopshte e shkolla

      Programi për rindërtimin

      Qeveria Rama 3 ka vendosur që në fund të pranverës së vitit 2022 të përfundojë të gjithë programin e rindërtimit. Sipas programit që pritet të prezantohet nesër në Kuvend, 60 miliardë lekë janë ndarë nga buxheti i shtetit në funksion të Programit të Rindërtimit për tre vite. Dhe në fund të pranverës së vitit 2022 pritet që të jenë mbaruar 4 mijë e 500 banesa individuale, 12 mijë apartamente si dhe 160 çerdheve, kopshteve, shkollave e konvikteve.

      Pjesë nga programi: Vendosim mbi 60 miliardë lekë nga buxheti i shtetit në funksion të Programit të Rindërtimit për tre vite. 100% e granteve të premtuara në Konferencën e Donatorëve, 300 milionë euro, janë akive në mbi 30 projekte konkrete në strehim, arsim dhe infrastrukturë publike. Në fund të pranverës së vitit 2022 sipas programit do jenë finalizuar:

      4500 banesa të reja individuale do të përfundojnë, duke strehuar të gjithë banorët që humbën shtëpitë e tyre.

      13 mijë familjet që po trajtohen aktualisht me bonus qiraje do të vijojnë të marrin bonusin dhe përfitimet e tjera deri në ditën që do t’u dorëzohen çelësat e shtëpisë së re në dorë. 

      12 mijë apartamente në lagjet e reja do të jenë ndërtuar duke strehuar t,ë gjithë familjet që humbën apartamentet e tyre. 

      28 kantiere të reja të infrastrukturës publike do të kenë përfunduar deri në pranverën e vitit 2022. 

      Shkollat e reja po ngrihen shumë më të forta, shumë më moderne dhe për t’iu përgjigjur nevojave të kohës.

      Brenda pranverës 2022 përfundon rehabilitimi dhe ndërtimi i mbi 160 çerdheve, kopshteve, shkollave e konvikteve.

    • 15:00

      Programi i qeverisë ‘Rama 3’/ Lufta ndaj pandemisë: Brenda shkurtit 2022 e vaksinuar e gjithë popullsia mbi 16 vjeç

      Programi qeverisës i Partisë Socialiste për mandatin e tretë prek çështjen e pandemisë dhe vaksinimit. Një nga synimet e qeverisë për të luftuar pandeminë është që personat mbi 60-vjeç dhe ata me sëmundje bashkëshoqëruese të kenë përfunduar brenda muajit shtator. Ndërsa pika kyçe e pandemisë është garantimi se e gjithë popullsia mbi 16 vjeç do të jetë e vaksinuar deri në muajin shkurt të 2022-it.

      Synimet e qeverisë në programin qeverisës në luftën ndaj pandemisë.

      ● Vaksinimi i popullatës kritike, personat në moshë mbi 60 vjeç dhe ata me sëmundje bashkëshoqëruese do të ketë përfunduar brenda shtator 2021.

      ● Garantojmë vaksinimin për të gjithë popullsinë mbi 16 vjeç deri në shkurt 2022.

      ● Mbështesim sipërmarrjen në sektorët më produktivë të ekonomisë, për ringritjen edhe më të fortë të tyre pas pandemisë, duke dedikuar: -50 milionë euro për sipërmarrjet në sektorin e turizmit, në formën e instrumentet të garancisë; – 5 milionë euro për sipërmarrjet në fushën e transportit; 50 milionë euro për sipërmarrjet në sektorin e manifakturës, si garanci për kredimin apo zgjatje të afatit të kredive ekzistuese

    3 Komente në “ZBARDHET programi qeverisës i PS-së për mandatin e 3-të, parashikohet rritje pagash e pensionesh, rindërtimi e vaksinimi marrin fund në 2022-n, 5 projektet thelbësore

    1. Perseri militantet e Rilindjes te priviligjuar per pagat.
      Administrata eshte e militanteve dhe jo e te afteve qe mund ta cojne perpara kete vend.
      “E treta e verteta…”

    2. E verteta eshte kjo. Atyre qe keta thone u eshte rritur paga me x %, duhet ta dini se u eshte rritur paga e grupit me aq %. E dini sa eshte paga e grupit ne shtet? 14 mije leke. Hapni VKM-te se e keni aty. Kot per sport, 40% e 14 mije = 5600 leke rritje, hiq tatim fitimim dhe pjesen e sigurimeve dhe i bie rritje me rreth 4 mije leke. Ej, eshte e vetmja rritje ne 8 vjet por jo ne madantin e pare, ne te dytin, pra edhe kete rritje se kane gezuar shume njerezit. E megjithate vetem disa paga jane rritur kaq. Sa per dijenine tuaj, shumica derrmuese e administrates nuk ka perfituar rritje page ne 8 vjet, perkundrazi i eshte ulur paga 3 here. Heren e pare ju ul kur ndryshoi tatim fitimin Edi 1, ne 2013 nga 10 ne 15%. Pagat u ulen automatikisht minimumi 5%, se disa paga u tatuan nga 10 u be 23%. Dy heret e tjera u ulen pagat kur Edi 2, rriti pagen baze nga 22 mije ne 26 mije dhe pastaj ne 30 mije. Keto dy heret e tjera pagat u ulen afersisht me 3 mije leke. Pra, qe ta kuptoni, keta te PS genjejne diten e naten, genjejne si dreqi. Edhe nese bejne rritje kete mandat, ta dini se administrata nuk do marre asnje qindarke me shume sesa ka marre me 2013. E gjitha eshte loje e Rama 1,2,3. Por ska faj Rama, fajin e kemi ne qe e besojme me xhepin perdite me bosh dhe e votojme akoma. Une sjam demokrat por as socialist smund te behem me kete Edi mashtuesin

    3. Qeveria mos i zere me dore femijet se nuk e mbyll mandatin e 3!!

    Shto Koment