Aktualitet

Motoçiklisti nga Lezha bënte ‘kërdinë’ me vjedhje në Durrës! Zbardhen 9 raste, 63-vjeçari merret paratë dhe ia mbathte me mjetin e tij

63-vjeçari mashtronte qytetarë të ndryshem nga të cilët merrte para dhe largohej me motoçiletën e tij. 
Featured image of article: Motoçiklisti nga Lezha bënte ‘kërdinë’ me vjedhje në Durrës! Zbardhen 9 raste, 63-vjeçari merret paratë dhe ia mbathte me mjetin e tij Foto ilustruese

DURRËS– Një 63-vjeçar nga Lezha është arrestuar në flagrancë nga policia në Durrës, pasi është autor i 9 grabitjeve. Ai mashtronte qytetarë të ndryshem nga të cilët merrte para dhe largohej me motoçiletën e tij.

NJOFTIMI I POLICISË:

Arrestohet në flagrancë një shtetas i dënuar disa herë më parë për vjedhje, i cili me anë të mashtrimit ka kryer disa vjedhje në qytetin e Durrësit. Zbardhen dhe dokumentohen 9 vjedhje të ndodhura më parë, të cilat dyshohen se janë kryer nga ky shtetas.Në vijim të punës për parandalimin e vjedhjeve, zbardhjen e vjedhjeve të ndodhura më parë, kapjen dhe vënien para përgjegjësisë ligjore të autorëve, shërbimet e Komisariatit të Policisë Durrës organizuan dhe finalizuan me sukses operacionin e koduar “Motoçiklisti”, si rezultat i të cilit, falë veprime të shpejta dhe të mirorganizuara, u arrestua në flagrancë shtetasi:

H. Gj., 63 vjeç, banues në Lezhë, i dënuar disa herë më parë për veprën penale “Vjedhja”.

Ky shtetas, më datë 20.07.2021, në orën 12:30, në lagjen nr. 5, Durrës, ka tentuar të vjedhë një shumë parash në dyqanin e shtetasit Ll. P. dhe më pas është larguar me motoçikletë, por është kapur në flagrancë në një distancë të shkurtër nga shërbimet e Policisë. Në cilësinë e provës materiale u sekuestrua shuma e parave të vjedhura dhe motoçikleta me të cilën u largua.

Nga hetimet e kryera rezultoi se ky shtetas, gjatë viteve 2020 dhe 2021, dyshohet se ka realizuar disa vjedhje të tjera në qytetin e Durrësit, duke përdorur të njëjtën motoçikletë, konkretisht:

Më datë 21.07.2020, në lagjen nr. 14, Shkozet, dyshohet se nëpërmjet mashtrimit i ka marrë një shumë parash shtetasit Sh. M.;

Më datë 12.02.2021 dyshohet se nëpërmjet mashtrimit i ka marrë shtetasit T. Rr., një shumë parash;

Për më shumë bëhu pjesë e grupit më viral në Facebook, Dosja.al

Më datë 05.03.2021 dyshohet se nëpërmjet mashtrimit i ka marrë një shumë parash shtetases F. L. dhe më pas është larguar me motoçikletë;

Më datë 24.03.2021 dyshohet se nëpërmjet mashtrimit i ka marrë shtetases A. B., një shumë parash;

Më datë 15.04.2021 dyshohet se nëpërmjet mashtrimit i ka marrë shtetasit B. B., disa materiale me vlerë 9.000 lekë, në dyqanin e tij;

Më datë 24.05.2021 dyshohet se nëpërmjet mashtrimit i ka marrë shtetases G. L., një shumë parash;

Më datë 24.05.2021 dyshohet se nëpërmjet mashtrimit i ka marrë shtetases S. B., një shumë parash;

Më datë 17.06.2021 dyshohet se nëpërmjet mashtrimit për një produkt i ka marrë shtetases E. R., një shumë parash.

Materialet i kaluan Prokurorisë së Rrethit Gjyqësor Durrës, për veprën penale “Vjedhja me anë të mashtrimit”.

(a.b)/dosja.al

Shto Koment