Foto ilustruese
TIRANË– Një aksident ka ndodhur mbrëmjen e sotme në zonën e Yzberishtit ku një shofer 39-vjeçar me iniciale SH.K ka përplasur dy kalimtarë.
Pasi ka humbur kontrollin e mjetit, shoferi ka goditur dy kalimtarë të rastit, M.B 29 vjeç dhe 25-vjeçaren F.C., të dy jashtë rrezikut për jetën.
Drejtuesi i mjetit pas aksidentit ka braktisur mjetit dhe është larguar por pas kontrolleve të Policisë ai është shoqëruar në Komisariatin e Policisë.
NJOFTIMI I PLOTË:
Tiranë/Informacion paraprak
Rreth orës 19:10, në ” Yzberisht” , në rrugën “Kadri Rroshi”, shtetasi SH.K, 39 vjeç, banues në Fushë Prezë, ka humbur kontrollin mbi drejtimin e mjetit dhe për pasojë mjeti ka dalë në tortuar ku dhe ka goditur dy kalimtarë të rastit, shtetasin M.B 29 vjeç dhe shtetasen F.C 25 vjeçe , të dy jashtë rrezikut për jetën
Drejtuesi i mjetit pas aksidentit ka braktisur mjetit dhe është larguar por pas kontrolleve të ushtruara nga shërbimet e Policisë Rrugore dhe të Komisariatit të Policisë nr 6 është shoqëruar për veprime të mëtejshme në ambientet e Komisariatit.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
(k.m/dosja.al)
