Politike

Yuri Kim takon një tjetër ministër, Xhaçka: Do thellojmë bashkëpunimin

Në postim në Facebook, Xhaçka ka bërë publik këtë takim, ku shkruan se  është lumtur për bisedën e zhvilluar.
Featured image of article: Yuri Kim takon një tjetër ministër, Xhaçka: Do thellojmë bashkëpunimin Olta Xhaçka dhe Yuri Kim
Përditësuar:

TIRANË- Ambasadorja e SHBA në Tiranë, pas takimit me ministrin në Detyrë për Evropën dhe Punët e Jashtme, Gent Cakaj, ka zhvilluar dhe një bisedë me ministren e Mbrojtjes Olta Xhaçkën. Në postim në Facebook, Xhaçka ka bërë publik këtë takim, ku shkruan se  është lumtur për bisedën e zhvilluar.

Duke i uruar mirëseardhjen në Shqipëri, Xhaçka shton se është optimiste që falë punës e angazhimit të saj, bashkëpunimi e partneriteti mes departamenteve tona të mbrojtjes do të vijojë e do të fuqizohet akoma më shumë

“Ishte vërtet një kënaqësi që prita sot në takimin e saj të parë zyrtar, pas prezantimit të letrave të saj kredenciale, Ambasadoren e SHBA në Shqipëri, Yuri Kim. E lumtur që ashtu si në takimin tonë të parë në Pentagon, vitin që shkoi, kur Ambasadorja Kim ishte pjesë e stafit të Sekretarit Amerikan të Mbrojtjes, ndamë të njëjtat vlerësime e konsiderata për nivelin e shkëlqyer të bashkëpunimit mes vendeve tona.

Për më shumë bëhu pjesë e grupit më viral në Facebook, Dosja.al

Është fat për ne, që SHBA përfaqësohen në Shqipëri me një zonjë të kalibrit të Ambasadores Kim dhe jam optimiste që falë punës e angazhimit të saj, bashkëpunimi e partneriteti mes departamenteve tona të mbrojtjes do të vijojë e do të fuqizohet akoma më shumë, duke ndihmuar në modernizimin e FA dhe duke i mundësuar Shqipërisë të japë një kontribut gjithmonë e më të madh për sigurinë, stabilitetin e paqen krah për krah aleatëve tanë amerikanë. Mirëseerdhe në Tiranë e dashur Yuri!🇦🇱🇺🇸”, shkruan Xhaçka.

Ambasadorja e re e Shteteve të Bashkuara të Amerikës, Yuri Kim mori dje zyrtarisht detyrën. Ajo i dorëzoi zyrtarisht letrat kredenciale për marrjen e detyrës pranë presidentit të Republikës, Ilir Meta. Pas këtij takimi mbajti një fjalim në ambasadën amerikane në vendin tonë. Yuri Kim, tha se ka ardhur në Shqipëri për të ndihmuar vendin drejt anëtarësimit në BE dhe vijimit të reformave.

(A.B. Dosja.al)

Shto Koment