Politike

Xhelal Mziu ngre alarmin nga Dibra: Gjysma e fshatrave janë izoluar nga dëbora, nuk kanë ku të marrin as ushqime

Mziu shtoi më tej se borëpastrueset kanë hapur vetëm akset nacionale dhe disa rrugë që lidihn disa nga njësitë administrative me qendrën urbane. Një tjetër shqetësim që ngre Xhelal Mziu është edhe fakti se banorët e këtyre vendeve të bllokuara nuk kanë ku të furnizohen me ushqime.
Featured image of article: Xhelal Mziu ngre alarmin nga Dibra: Gjysma e fshatrave janë izoluar nga dëbora, nuk kanë ku të marrin as ushqime Xhelal Mziu

DIBËR– Drejtuesi politik i Partisë Demokratike në qarkun e Dibrës, Xhelal Mziu deklaroi se shumica e fshatrave të atij qarku janë të izoluar për shkak të reshjeve të dendura të dëborës. Në një komunikim për Report TV, Mziu u shpreh se 40 % e qytetarëve të gjithë qarkut Dibër janë bllokuar nga dëbora dhe se ata janë duke i hapur vetë rrugët  me mjete të ndryshme, pasi e kanë të pamundur të lidhen me qendrat urbane.

Mziu shtoi më tej se borëpastrueset kanë hapur vetëm akset nacionale dhe disa rrugë që lidihn disa nga njësitë administrative me qendrën urbane. Një tjetër shqetësim që ngre Xhelal Mziu është edhe fakti se banorët e këtyre vendeve të bllokuara nuk kanë ku të furnizohen me ushqime.

“Hapja e fshatrave rreth Dibrës bëhet nga vetë banorët dhe shteti është inekzistent. Moti i keq ka vështirësuar jetën e qytetarëve dhe mungesa e ushqimeve për tu furnizuar ka vështiruar situatën pasi rrugët janë të bllokuara. Vetëm në akse nacionale ose në lidhjen e disa nga njësi administrative që ka ndërhyrë borëpastruese, por ka dhe shumë të tjera që janë të bllokuara dhe borëpastruesja nuk ka shkuar. Lura, Selishta, Martaneshi e shumë të tjera nuk kanë energji elektrike dhe qytetarët vijojnë të hapin rrugën privatisht, dhe kjo tregon se shteti nuk është i përgatitur për këtë lloj situate dhe kjo është për të ardhur keq. Kanë njerëz që duhen të mbështeten edhe me ndihma humanitare me ushqime. Infrastruktura rrugore e kanë të pamundur për të lidhur fshatrat e largëta me pjesën urbane si për njerëzit dhe gjënë e gjallë. Vetëm në Dibër janë më shumë se gjysma e fshatrave që kanë nevojë për hapjen e rrugëve ose 40 % e banorëve të qarkut Dibër që vuajnë bllokimin e rrugës dhe mungesës së energjisë elektrike,”- tha Mziu.

Për më shumë bëhu pjesë e grupit më viral në Facebook, Dosja.al

Moti me temperatura të ulëta do të vijojë deri ditën e premte në vend, por ditët e fundit është shoqëruar edhe me problematika të mëdha. Raste të shumta janë denoncuar nga qytetarët, të cilët janë bllokuar në mes të dëborës pas pasur mundësinë as për të shkuar në spita. Në Elbasan dhe Korçë, shumë të tjerë kanë pësuar fraktura për shkak të rrëshqitjes në akull.

(f.m/dosja.al)

Shto Koment