Showbiz

Vullnetare në luftën kundër Covid-19, Rita Ora i bashkohet të ëmës dhe bën gjestin e rrallë

Nëna e Rita Orës, Vera Ora ka zbuluar se këngëtarja ka aplikuar si vullnetare në qendrën mjekësore në Britani.
Featured image of article: Vullnetare në luftën kundër Covid-19, Rita Ora i bashkohet të ëmës dhe bën gjestin e rrallë Këngëtarja, Rita Ora me të ëmën.

MBRETËRI E BASHKUAR– Këngëtarja me origjinë shqiptare, Rita Ora dhe motra e saj e madhe Elena janë regjistruar të jenë vullnetare të NHS. Në një intervistë për revistënme HELLO! , nëna e Rita Orës, Vera, ka zbuluar se vajza e saj dëshiron të bashkohet në betejën mbarëkombëtare për të mposhtur COVID-19 dhe e ka aplikuar të jetë një vullnetare e NHS-së.

“Ajo dhe motra e saj e madhe Elena janë në mesin e 750,000 personave që kanë aplikuar për të ndihmuar dhe parandaluar sëmundjen. Ata do të jenë në mesin e njerëzve që ofrojnë pajisje mjekësore, mbledhin receta, kontrollojnë të moshuarit dhe telefonojnë anëtarët e komunitetit që jetojnë vetëm dhe janë më të rrezikuar,”- është shprehur Vera Ora, e cila është në vijën e parë të luftës me pandeminë e koronavirusit, në Britani.

Ndër të tjera, pas rikthimit në punën e saj, për të ndihmuar pacientët e prekur me Covid-19, Vera Ora ka rrëfyer se ka pasur nevojë të dhurojë dhembshuri dhe mbështetje në këtë situatë kritike.

“Unë e dua punën time dhe dua të bëj më të mirën. Është roli dhe detyra ime të ndihmoj të tjerët. Asgjë nuk do më ndalojë derisa të mos jem më në gjendje ta bëj këtë. Këto kohë janë sfiduese dhe kurrë më parë nuk kam pasur nevojë të ofroj më shumë dhembshuri dhe mbështetje për kolegët e tjerë. Unë kam dëshmuar heroizëm nga i gjithë stafi i NHS, nga mjekët dhe infermierët e deri te rojet dhe pastruesit në ambiente stresuese dhe të rrezikshme,”- shtoi ndër të tjera për revistë Hello!, Vera Ora.

Për më shumë bëhu pjesë e grupit më viral në Facebook, Dosja.al

 

Nëna e këngëtares me origjinë shqiptare, Rita Ora, tashmë është në frontin e parë të luftës së Covid-19, pasi virusi në Britani është përhapur me ritme të shpejta. Ajo zgjodhi të rikthehej në detyrë, për të ndihmuar në këto kohë të vështira.

Burimi: HELLO!

R.L/Dosja.al

Shto Koment