Rajoni

Vuçiç tërhiqet nga deklarata për largimin e KFOR-it nga Kosova pas takimit me Stoltenberg në Bruksel

Gjatë vizitës në Bruksel, Vuçiç bisedoi me Sekretarin e Përgjithshëm të NATO-s, Jens Soltenberg, duke thënë se ky i fundit ia bëri me dije që prezenca e trupave paqeruajtëse ndërkombëtare në Ballkanin Perëndimor është e rëndësishme
Featured image of article: Vuçiç tërhiqet nga deklarata për largimin e KFOR-it nga Kosova pas takimit me Stoltenberg në Bruksel Aleksander Vucic dhe Jens Soltenberg

BRUKSEL– Presidenti serb, Aleksandër Vuçiç është tërhequr nga propaganda se një nga fuqitë e mëdha do të tërheqë trupat e KFOR-it nga territori i Kosovës.

Gjatë vizitës në Bruksel, Vuçiç bisedoi me Sekretarin e Përgjithshëm të NATO-s, Jens Soltenberg, duke thënë se ky i fundit ia bëri me dije që prezenca e trupave paqeruajtëse ndërkombëtare në Ballkanin Perëndimor është e rëndësishme, raporton Tanjug.

Ne kishim pyetje të caktuara në lidhje me spekulime të caktuara dhe morëm një përgjigje të qartë nga Sekretari i Përgjithshëm. Ai theksoi rëndësinë e KFOR’it. Unë mendoj se kjo do të sjellë qetësi në zemrat e njerëzve, jo vetëm në Kosovë, por në rajonin në tërësi”, deklaroi ai.

Megjithatë, i pari i Serbisë, ditë më parë në një konferencë para mediave deklaronte se kishte marrë informacione nga burime zyrtare se njëra nga fuqitë e mëdha do t’i tërheqë trupat nga Kosova.

Për më shumë bëhu pjesë e grupit më viral në Facebook, Dosja.al

Kemi marrë informacione se një nga fuqitë e mëdha së shpejti do të fillojë një kërkesë zyrtare për tërheqjen e KFOR-it dhe UNMIK-ut nga Kosova. Do të përpiqem të flas me Stoltenbergun për të bërë gjithçka të mundur që kjo të mos ndodhë”, – deklaronte Vuçiç para gazetarëve më 13 maj.

Një zyrtar i NATO-s, nëpërmjet një përgjigje me shkrim ia kishte bërë me dije Radio Evropës së Lirë se të gjitha vendimet merren në pajtueshmëri me 30 vendet anëtare të organizatës ndërkombëtare.

(d.a/dosja.al)


Lajmi kryesor/Vuçiç takohet me sekretarin e NATO-s, ‘zmbrapset’ nga deklarata për tërheqjen e KFOR-it nga Kosova

Shto Koment