Aktualitet

Vrau Haxhollin me armën e shërbimit, Drejtori i Burgjeve flet për Bledar Toçin: Shumë policë sjellin drogë në burgje (VD)

I pranishëm në Komisionin e Sigurisë, Ismaili u pyet në lidhje me Bledar Toçin, punonjësin e policisë së burgjeve që me armën e shërbimit vrau Dritan Haxhollin në shtëpinë e Marsida Qatjas në Kavajë.

TIRANË– Drejtori i Përgjithshëm i Burgjeve Agim Ismaili ka folur në lidhje me çështjen e krimit të ndodhur në Kavajë.

I pranishëm në Komisionin e Sigurisë, Ismaili u pyet në lidhje me Bledar Toçin, punonjësin e policisë së burgjeve që me armën e shërbimit vrau Dritan Haxhollin në shtëpinë e Marsida Qatjas në Kavajë.

“Kjo ngjarje s’ka lidhje me detyrën në burgje. Kam lexuar dhe në medie lajmet që kishte një çështje për drgoë. Në fakt ka shumë punonjës të policisë së burgjeve që ua sjellin drogën të burgosurve në qeli.

Për këtë gjë nuk është dënuar askush por dy drejtorë burgjesh janë kallëzuar penalisht. Kjo është një sfidë ndaj institucioneve. Në punë nuk merret askush, asnjë polic pa kaluar verifikimin nga institucionet e duhura. Të paktën dy vitet e fundit,”- tha Ismaili.

Bledar Toçi është lënë në burg pasi akuzohet se ka vrarë Dritan Haxhollin në ngjarjen e ndodhur në Kavajë. Ngjarje e rëndë ndodhi pak ditë më parë në Kavajë, ku një konflikt i armatosur që përfundoi me një viktimë dhe me një të plagosur. Viktima, Dritan haxholli bezdiste ish-të dashurën Marsida Qatja.

Kjo e fundit thirri për ndihmë të dashurin e ri Bledar Toçi. Pasi pa njerëz në shtëpi viktima hapi zjarr duke plagosur policin, ky i fundit e vrau me armën e shërbimit. Në apartamentin duplex jetonin edhe fëmijët e parukieres 30-vjeçare.

(f.m/dosja.al)

Shto Koment