AktualitetRajoni

Vrau dhe varrosi në pyll 42-vjeçarin shqiptar/ Ekstradohet në Itali autori…(Detaje nga krimi)

Kthimi i personit të arrestuar në Itali përfaqëson përfundimin e hetimit të kryer ndër vite nga Departamenti Operacional i Karabinierëve të Como që nga dita e zbulimit të trupit të Metaj.
Featured image of article: Vrau dhe varrosi në pyll 42-vjeçarin shqiptar/ Ekstradohet në Itali autori…(Detaje nga krimi) Vendi i ngjarjes

GJERMANI-Një 42 vjeçar shqiptar emri i të cilit nuk bëhet me dije është ekstraduar nga Gjermania në Italia. Sipas mediave ai bashkë me një shqiptar tjetër akuzohen për vrasjen e shqiptarit Besnik Metaj, 42 vjeç,  trupi i  të cilit u gjet në pyjet Cornizzolo në prill të vitit 2017.

Kthimi i personit të arrestuar në Itali përfaqëson përfundimin e hetimit të kryer ndër vite nga Departamenti Operacional i Karabinierëve të Como që nga dita e zbulimit të
trupit të Metaj.

Në datën 2 Prill 2017, në  Pozzolone di Eupilio, gjatë një pastrimi në pyll është gjetur trupi i pajetë i Besnik Metaj. Me anë të hetimeve është zbuluar se ai kishte vrima në kokë të shkaktuara nga armët e zjarrit.

Për më shumë bëhu pjesë e grupit më viral në Facebook, Dosja.al

Sipas karabinierëve, bëhej fjalë për “një ekzekutim”. Autopsia bëri të mundur të konstatonte se vdekja kishte ndodhur disa javë më herët dhe se kishte ndodhura nga tre të shtëna me armë në kokë.

Kontrollet e gjurmëve të gishtave lejuan identifikimin e tij dhe fillimin e hetimeve, nga ku më pas u bë i mundur gjurmimi i dy shqiptarëve.  Zhdukja e viktimës u raportua në polici nga vëllai i tij më 29 mars 2017, i cili nuk kishte asnjë lajm për të që nga 5 marsi i atij viti. Mësohet se Metaj u vra dhe u varros në pyll pasi i kishte kërkuar njërit prej dy bashkatdhetarëve një pagesë që lidhje me shitjen e sasive të mëdha të drogës, veçanërisht kokainë dhe marijuanë nga Shqipëria.

(k.a/dosja.al)

Etiketa:

Shto Koment