Aktualitet

‘Pse më sheh’/ Vrasja e Armando Baboçit në Durrës, lihet në burg Klodian Daçi dhe kushëriri i tij, 3 të tjerët që u përfshinë në sherrin me shkopa bejsbolli marrin ‘detyrim paraqitjeje’

VIDEO
  • Me duart e prangosura dhe kokën ulur, dalin pamjet nga Gjykata e Durrësit
  • Jepen MASAT/ Gjykata lë në burg vrasësin e Armando Baboçit dhe kushëririn e tij
  • Jepen masat e sigurisë. Gjykata lë në burg Klodian Daçin që vrau Armando Baboçin dhe plagosi të birin Erald Gjini. Në burg u la dhe kushëriri i Dacit, Serxho Tatasi, i akuzuar si bashkëpunëtor në krim. “Detyrim paraëitjeje” u dha për Argit Kastriotin dhe Endri Çimo Bregun, të cilët u akuzuan për ‘moskallëzim krimi’. Ndërsa Henri Tatasi, kushëriri i autorit, ndodhet në gjendje të rëndë në spital, ku dhe është njohur me masën e sigurisë.
    Featured image of article: ‘Pse më sheh’/ Vrasja e Armando Baboçit në Durrës, lihet në burg Klodian Daçi dhe kushëriri i tij, 3 të tjerët që u përfshinë në sherrin me shkopa bejsbolli marrin ‘detyrim paraqitjeje’ Pamje nga salla e gjyqit

    DURRËS– Gjykata e Durrësit ka dhënë masat e sigurisë për pesë të rinjtë e arrestuar për vrasjen e Armando Baboçit, 39-vjeç dhe plagosjen e djalit të tij Erald Gjini, 19 vjeç, ngjarje e ndodhur mbrëmjen e 18 shtatorit.

    Trupi gjykues, pasi ka dëgjuar palën mbrojtëse ka vendosur që të japë masën që kërkoi Prokuroria, “arrest me burg” për ekzekutorin Klodian Daçi, 20 vjeç, dhe kushëririn e tij, Serxho Tatasi, i akuzuar si bashkëpunëtor në krim. Argit Kastrioti dhe Endri Çimo Bregu, të cilët u akuzuan për “moskallëzim krimi”, u lanë në masën “detyrim paraqitjeje”.

    I vetmi që nuk ka mundur të shkojë në sallën e gjyqit është Henri Tatasi, kushëriri i autorit, i cili ndodhet në gjendje të rëndë në spital, ku dhe është njohur dhe me masën e sigurisë “arrest me burg”. Mbrëmjen e krimit, Henri Tatasi mori një plumb në brinjë.

    Dosja.al ka siguruar edhe pamje nga Gjykata e Durrësit, ku katër të paraqiturit në sallën e gjyqit shihen me kokat ulur dhe me pranga në duar, teksa presin masën e sigurisë.

    Për më shumë bëhu pjesë e grupit më viral në Facebook, Dosja.al

    Ngjarja e rëndë ndodhi më 18 shtator. Fillimisht Daçi, autori i krimit dhe djali i viktimës, Erlad Boçi u konfliktuan në berberhane për një fjalë: Pse më sheh. Pas konfliktit, Daçi ka shkuar ka marrë vëllain, Florjonin dhe me 8 persona të tjerë janë organizuar duke marrë armë, shkopa bejsbolli dhe leva, kanë hipur në dy makina dhe janë nisur drejt lokalit, ku qëndronte Erald Gjini, babai i tij, Armando, xhaxhai dhe një shoku i tij.

    Aty, ngjarja u agravua dhe Daçi qëlloi me armë Armandi Boçin që vdiq dhe djalin e tij Erald Gjinin. Ky I fundit është jashtë rrezikut për jetën. Ndërkohë njëri plumb kapi edhe kushëririn e Dacit, Tatasin që ndodhet në spital.

    (f.m;f.g/dosja.al)

    • 12:37

      Jepen MASAT/ Gjykata lë në burg vrasësin e Armando Baboçit dhe kushëririn e tij, dy të akuzuarit për moskallëzim krimi marrin ‘detyrim paraqitjeje’, Tatasi i plagosur pret masën tek Trauma

      Klodian Daci, i akuzuar për vrasjen e Armando Baboçit, ngjarje e ndodhur mbrëmjen e të dielës që shkoi është lënë nën masën e arrestit me burg” nga Gjykata e Durrësit. Në burg është lënë edhe kushëriri i Daçit, Sergio Tatasi që akuzohet si bashkëpunëtor në krim. Ndërkohë për Argit Kastriotin dhe Endri Çimo Bregun, Gjykata dha “detyrim paraqitjeje”, pasi akuzohen për moskallëzim krimi. Të përfshirit tjetër në ngjarje, Henri Tatasit do t’i komunikohet masa në spitalin e Traumës pasi ndodhet i plagosur.

    • 12:14

      Me duart e prangosura dhe kokën ulur, dalin pamjet nga Gjykata e Durrësit, Klodian Daci që vrau Baboçin dhe katër kushërinjtë do të njihen me masën e sigurisë

      Dosja.al ka siguruar pamje nga Gjykata e Durrësit, ku katër të arrestuarit për vrasjen e Armando Baboçit, kanë dalë para trupit gjykues. Të katërt, Klodian Daçi i akuzuar për vrasjen, Serxho Tatasi që akuzohet për bashkëpunëtor në vrasje, dhe Argit Kastrioti e Endri Çimo Bregu të cilët akuzohen për fshehje krimi, shihen me kokat ulur dhe me pranga në duar, teksa presin masën e sigurisë.

      I vetmi që nuk ka mundur të shkojë në sallën e gjyqit është Henri Tatasi, kushëriri i autorit, i cili ndodhet në gjendje të rëndë në spital, pasi mbrëmjen e krimit mori një plumb në brinjë.

    Shto Koment